देहलीमध्ये हिंदु तरुणाची मुसलमान तरुणांकडून हत्या

देहली – येथील सुंदरनगरी भागात १ ऑक्टोबरच्या रात्री मनीष नावाच्या तरुणाची ३ मुसलमान तरुणांनी चाकूचे असंख्य वार करून निर्घृण हत्या केली. ही घटना येथे लावण्यात आलेल्या सीसीटीव्हीमध्ये चित्रित झाली. या आधारे पोलिसांनी आलम, बिलाल आणि फैजान यांना अटक केली आहे. पोलिसांनी दिलेल्या माहितीनुसार, वैमनस्यातून ही घटना घडली आहे. हत्येच्या वेळी येथे असलेल्या प्रत्यक्षदर्शींपैकी कुणीही मनीष याला वाचवण्यासाठी पुढे आले नाही.

दिल्ली के सुंदर नगरी में मनीष नाम के युवक का सरेराह मर्डर#Crime #Delhi #SunderNagri https://t.co/co905TL1La

— Times Now Navbharat (@TNNavbharat) October 2, 2022

वर्षभरापूर्वी कासिम आणि मोहसीन नावाच्या तरुणांनी मनीषचा भ्रमणभाष हिसकावून त्याचा गळा आणि पोट यांवर वार केले होते. या प्रकरणी पोलिसांनी दोघांनाही अटक केली होती. तेव्हापासून कासिम आणि मोहसीन यांचे कुटुंबीय मनीषवर खटला मागे घेण्यासाठी सतत दबाव आणत होते. मनीष १ ऑक्टोबरला या खटल्यासाठी उपस्थित रहाणार होता. ‘खटला मागे न घेतल्यास मनीषची हत्या करू’, असे कासिम आणि मोहसीन यांच्या कुटुंबियांनी सांगितले होते. याविषयी पोलिसांत आधीही तक्रार देण्यात आली होती; मात्र ‘पोलिसांनी याकडे गांभीर्याने पाहिले नाही’, असा आरोप मनीषच्या कुटुंबियांनी केला. मनीषने न्यायालयात उपस्थित राहून आरोपींच्या विरोधात जबाब नोंदवला. त्यामुळे वरील ३ आरोपींनी मनीषची त्याच्या घरासमोरच हत्या केली.