कृपादृष्टी साधका उभारी देई । वात्सल्याने गुरुचरणी प्रीतीधागा गुंफला जाई ।
श्रीसत्‌शक्ति (सौ.) बिंदा सिंगबाळ यांचे वात्सल्य पाहून मन भरून येणे
६.१०.२०२१ या दिवशी श्रीसत्‌शक्ति (सौ.) बिंदा सिंगबाळ यांचा वाढदिवस होता. त्या वेळी त्यांच्याप्रती कृतज्ञता व्यक्त करण्यासाठी आम्ही त्या सेवा करतात, त्या कक्षात जमलो होतो. दरवाजा उघडून श्रीसत्‌शक्ति (सौ.) बिंदाताई खोलीमध्ये आल्या. त्यांचे ते प्रेमळ रूप, ती माया आणि ते वात्सल्य पाहून माझे मन भरून आले. ‘जसे लेकरू आपल्या आईला बिलगते, तसे त्यांना पाहून त्यांच्या कुशीत जावे’, असे मला वाटू लागले आणि ते काही क्षणांतच अनुभवतासुद्धा येऊ लागले.’ – सौ. तन्वी सरमळकर, तिस्क, फोंडा, गोवा.
श्रीसत्‌शक्ति (सौ.) बिंदा सिंगबाळ यांच्या चेहर्‍यावर मातृत्व जाणवणे
६.१०.२०२१ या दिवशी श्रीसत्‌शक्ति (सौ.) बिंदा सिंगबाळ यांच्या चेहर्‍यावर साधकांप्रती अत्यंत प्रेम आणि मातृत्व ओसंडून वहात होते. त्या आमच्याशी बोलत असतांना ‘त्यांची दृष्टी केवळ आमच्याशी बोलत नसून सनातन संस्थेच्या सर्व साधकांशी बोलत आहे’, असे मला वाटत होते. ‘प.पू. गुरुदेवांना अपेक्षित असे सर्वच साधकांचे प्रयत्न व्हावेत आणि त्यासाठी साधकांना साहाय्य करण्याकरता मी सदैव तुमच्यासह आहे’, असे त्यांच्या प्रत्येक दृष्टीक्षेपातून आणि त्यांच्या वाणीतून जाणवत होते. – सौ. कीर्ती जाधव, पाटणतळी, फोंडा, गोवा.
पूर्णाहुती झाल्यावर आरतीनंतर श्रीसत्‌शक्ति (सौ.) बिंदा सिंगबाळ सुवर्णाप्रमाणे तेजस्वी दिसणे
२४ ते २६ ऑक्टोबर २०१९ या दिवशी रामनाथी, गोवा येथील सनातनच्या आश्रमात सुदर्शन महायाग झाला. २६.१०.२०१९ या दिवशी पूर्णाहुतीनंतर श्रीसत्‌शक्ति (सौ.) बिंदा सिंगबाळ यांनी आरती केली. आरतीच्या वेळी श्रीसत्‌शक्ति (सौ.) बिंदाताई पुष्कळ तेजस्वी दिसत होत्या. आजवर रामनाथी आश्रमात झालेल्या अनेक यज्ञयागांपैकी या यागानंतर आरती करतांना त्या प्रथमच इतक्या तेजस्वी दिसल्या. आरती करून झाल्यानंतर आरती सर्वांनी ग्रहण करावी, यासाठी श्रीसत्‌शक्ति (सौ.) बिंदाताई हातातील आरतीचे तबक सर्वांना दाखवत होत्या. त्या वेळी आरतीतील सर्व दिव्यांच्या ज्योती सोन्यासारख्या पिवळ्या धमक दिसत होत्या. त्या ज्योती नेहमीपेक्षा अधिक मोठ्याही दिसत होत्या. त्या ज्योतींना पाहून वाटले, ‘ज्योतींनाही सर्व साधकांना शक्ती आणि चैतन्य देण्याची तीव्र आस आहे. त्यामुळेच त्या मोठ्या आणि तेजस्वी दिसत आहेत.’ पंचारती पितळ्याची असल्याने ती तेजस्वी दिसत होती. पंचारती ज्या तबकात होती, ते तबकही सुवर्णाप्रमाणे चमकत होते. श्रीसत्‌शक्ति (सौ.) बिंदाताईही सुवर्णाप्रमाणे पिवळ्या धमक दिसत होत्या. त्या वेळी वाटले, ‘प्रत्यक्ष देवीच आरतीच्या माध्यमातून चैतन्याची उधळण करत आहे.’ – कु. राजश्री सखदेव, सनातन आश्रम, रामनाथी, गोवा. (२७.१०.२०१९)
आरतीच्या ज्योती आणि सद्गुरूंच्या कृपावत्सल
|
| • येथे प्रसिद्ध करण्यात आलेल्या अनुभूती या ‘भाव तेथे देव’ या उक्तीनुसार साधकांच्या वैयक्तिक अनुभूती आहेत. त्या सरसकट सर्वांनाच येतील असे नाही. – संपादक |
नाशिक येथील श्री. अनिल पाटील यांना चित्तशुद्धीच्या संदर्भात लक्षात आलेली सूत्रे !
लुधियाना, पंजाब येथील सौ. माधवी शर्मा यांच्याविषयी त्यांचे यजमान श्री. प्रमोद शर्मा यांना जाणवलेली सूत्रे
रामनाथी (गोवा) येथील सनातनच्या आश्रमातील सौ. राधा गावडे (वय ५० वर्षे) आणि फोंडा (गोवा) येथील श्रीमती अंजली कुलकर्णी (वय ७४ वर्षे) यांनी गाठली ६१ टक्के आध्यात्मिक पातळी !
सच्चिदानंद परब्रह्म डॉ. आठवले यांच्या ब्रह्मोत्सवाच्या वेळी सिंधुदुर्ग जिल्ह्यातील साधकांना आलेल्या अनुभूती !
साधकांनो, दास्यभावाचे प्रतीक असलेल्या रामभक्त हनुमानाप्रमाणे अंतरात सेवकभाव निर्माण करून स्वतःतील अहंचे निर्मूलन करण्यासाठी प्रयत्न करा !
हनुमान जयंतीनिमित्त हनुमंताविषयी भावप्रयोग चालू असतांना हनुमंताचे अस्तित्व जाणवणे !