नांदेड येथे एका आस्थापनाच्या कार्यालयातून १० तलवारी जप्त !

एकाला अटक !

नांदेड – शहरातील दत्तनगर येथील दसमेश फायनान्स आस्थापनाच्या कार्यालयावर धाड टाकून पोलिसांनी १० तलवारी जप्त केल्या आहेत. अवैध शस्त्रसाठा असल्याची गुप्त माहिती मिळाल्यानंतर पोलीस निरीक्षक डॉ. नितीन काशीकर यांनी ८ मे या दिवशी पोलीस पथकाद्वारे दत्तनगर येथील दसमेश फायनान्स आस्थापनाच्या कार्यालयावर धाड टाकली. त्या वेळी कार्यालयातील सुनीलसिंग आडे याला अटक करून कार्यालयाची झाडाझडती घेतली असता ८ तलवारी, १ खंडा आणि १ गुप्ती, असा शस्त्रसाठा सापडला. या प्रकरणी शिवाजीनगर पोलीस ठाण्यात गुन्हा नोंद करण्यात आला आहे.