रात्री अंथरुणावर पहुडल्यावर ‘श्रीरामाच्या चरणांना स्पर्श करावा’, असा मनात विचार येणे आणि त्या क्षणी जाईच्या फुलांचा सुगंध येऊन श्रीरामाचे अस्तित्व जाणवणे

‘२३.३.२०२१ या दिवशी मी रात्री अंथरुणावर पहुडले होते. त्या वेळी माझ्या मनात विचार आला, ‘श्रीरामाच्या चरणांना स्पर्श करावा.’ हा विचार मनात येताक्षणीच मला जाईच्या फुलांचा सुगंध आला आणि ‘श्रीराम माझ्याजवळ आहे’, असे मला वाटले. त्या वेळी मला जाणवले, ‘मला श्रीरामाला भेटायचे आहे’, हा माझ्या मनातील विचार श्रीरामाला लगेच कळला आहे.’ मला सूक्ष्मातून दिसले, ‘श्रीराम माझ्यासमोर उभा आहे. मला श्रीरामाचे अस्तित्व जाणवत होते; पण माझे हात श्रीरामाच्या चरणांपर्यंत पोचले नाहीत. त्या वेळी माझ्या लक्षात आले, ‘देवाची भक्ती अजून पुष्कळ वाढवायला पाहिजे. भक्ती वाढली, तर देव जवळ येईल !’

श्रीरामाची दासी,

– कु. महानंदा पाटील (आध्यात्मिक पातळी ६२ टक्के), सनातन आश्रम, देवद, पनवेल. (२२.६.२०२१)