अखिल भारतीय कीर्तन संस्थेचा दादर येथे पदवीदान समारंभ !

दादर – अखिल भारतीय कीर्तन संस्था यांच्या वतीने दादर येथील श्री विठ्ठल मंदिर येथे पदवीदान समारंभ आयोजित करण्यात आला. समारंभाचे अध्यक्ष ह.भ.प. मुकुंदबुवा विठ्ठलबुवा देवरस यांचे कीर्तन आणि त्यानंतर विद्यार्थ्यांचा पदवीदान समारंभ झाला. मुकुंदराव देवरस यांनी विद्यार्थ्यांना उद्देशून परमार्थ आणि कीर्तन यांद्वारे विचार अन् आचरण शुद्ध रहावे, यासाठी समाजात कार्य करण्याविषयी मार्गदर्शन केले.

कीर्तन काळात संस्थेच्या वतीने ऑनलाईन कीर्तन सेवा चालू होती. यासह दोन वर्षांचा अभ्यासक्रमही याच काळात झाला. यात महाराष्ट्र, तसेच बाहेरच्या राज्यांतील विद्यार्थीही सहभागी झाले होते.

संस्थेचे कार्यवाह श्री. किशोर साठे आणि कोषाध्यक्ष श्री. खरे यांची भाषणे झाली. संस्थेचे विश्वस्त श्री. रवींद्र आवटी हे या वेळी उपस्थित होते. कीर्तन वर्गाचे प्राचार्य, शिक्षक, सर्व सदस्य, पदाधिकारी, तसेच विद्यार्थी या वेळी उपस्थित होते.