‘हिंदु-विरोधी प्रचार का वैश्विक षड्यंत्र !’ या विषयावर विशेष ‘ऑनलाईन’ परिसंवादाचे आयोजन !

‘हिंदुत्वाचे जागतिक स्तरावर उच्चाटन’ (डिसमेंटलिंग ग्लोबल हिंदुत्व) या विषयावर १० सप्टेंबर ते १२ सप्टेंबर या कालावधीत आंतरराष्ट्रीय परिषद आयोजित करण्यात आली असून जगातील ४० हून अधिक हिंदुद्वेष्ट्या विद्यापिठांनी ही परिषद आयोजित करण्यासाठी पुढाकार घेतला आहे. गेल्या काही वर्षांमध्ये जागतिक स्तरावर हिंदुत्वाच्या विचारांकडे मोठ्या प्रमाणात लोक आकर्षिले जात आहेत. विदेशातील हे वैचारिक आक्रमण केवळ हिंदु धर्मावर नसून ते भारताच्या विरोधातही आहे. त्यामुळे हे षड्यंत्र सर्वांसमोर यावे, यासाठी हिंदु जनजागृती समितीच्या वतीने ‘हिंदु-विरोधी प्रचार का वैश्विक षड्यंत्र !’ या विषयावर १ सप्टेंबर या दिवशी विशेष ‘ऑनलाईन’ परिसंवादाचे आयोजन करण्यात आले आहे.