Terrorist Hair Transplant : काश्मीरविषयी पाकने सांगितलेली वाईट स्थिती तेथे नसल्याचे पाहून आतंकवाद्याने घातपात सोडून केसावर करून घेतले उपचार !

श्रीनगर (जम्मू-काश्मीर) – पाकिस्तानची आतंकवादी संघटना ‘लष्कर-ए-तोयबा’चा आतंकवादी महंमद उस्मान जट्ट उपाख्य चीनी भारतात आतंकवादी कारवाया करण्यासाठी काश्मीरमार्गे भारतात घुसला होता. तो येथे ‘स्लीपर सेल’ (छुप्या पद्धतीने आतंकवाद्यांना साहाय्य करणार्‍या धर्मांध मुसलमानांचे स्थानिक गट) सिद्ध करत होता; परंतु त्याने कथित स्वरूपात त्याचे ‘कार्य’ थांबवून श्रीनगरमध्ये हेअर ट्रान्सप्लांट (केस प्रत्यारोपण) करून घेतले. त्याला काश्मीरविषयी जे वाईट सांगण्यात आले होते, तसे काही काश्मीरमध्ये दिसून आले नाही. त्यानंतर त्याला त्याचे केस गळत असल्याने उपचार करण्याची जाणीव झाली आणि त्याने ‘हेअर ट्रान्सप्लांट’ करून घेतले.

उस्मान लाहोरचा रहिवासी आहे. राष्ट्रीय अन्वेषण यंत्रणेने त्याला अटक केली असून या प्रकरणाचे अन्वेषण चालू आहे. त्याने चौकशीत वरील माहिती दिली.