अंधश्रद्धा निर्मूलनाच्या नावाखाली हिंदु धर्मावर उघड आक्रमण

‘फ्री प्रेस जर्नल’ या नियतकालिकामधील २१ फेब्रुवारी २०२६ या दिवशी ‘हिंदूंचे शोषण रोखणार्‍यांना हिंदुत्ववाद्यांचा विरोध का ?’, या विषयावर उत्तम जोगदंड यांचा लेख छापून आला आहे. या लेखात महाराष्ट्र अंधश्रद्धा निर्मूलन समितीला (अंनिसला) शोषणरोधी चळवळ म्हणून चित्रित करून हिंदुत्वनिष्ठांना दोषी ठरवण्यात आले आहे. प्रत्यक्षात अंनिसची पुस्तके, भाषणे आणि कृती हिंदु धर्माच्या मूळ तत्त्वांवरच आक्रमण करतात, जे त्यांचा खरा हिंदुविरोधी चेहरा उघड करतात.

१. अंनिसचे हिंदुविरोधी लिखाण

डॉ. नरेंद्र दाभोलकरांच्या ‘भ्रम आणि निरास’ या पुस्तकात ‘हिंदूंची अध्यात्मनिष्ठा अंधश्रद्धांना खतपाणी घालते’, असे म्हटले आहे. ‘पूजा, मंत्रतंत्र हे अंधश्रद्धांचे स्वरूप आहे’, असा दावा करत हिंदु कर्मकांडांना गुन्हा ठरवण्याचा प्रयत्न केला जात आहे. दाभोलकरांच्या ‘६४ चमत्कार’ पुस्तकात धार्मिक चमत्कारांना खोटे ठरवले जाते, तर ‘मंदिरांना दंगलीचे केंद्र म्हटले जाते’, ही हिंदु श्रद्धेची थेट चिकित्सा आहे. असे म्हणणे, म्हणजे हिंदु धर्मग्रंथातील आध्यात्मिक शक्तींविषयी उपहास आहे आणि असे करणे, हे अंधश्रद्धा निर्मूलनाच्या नावाखाली धर्मनिंदा आहे.

२. संतांवरील अवमानजनक आरोप

अंनिस कार्यकर्ते ‘संत तुकाराम महाराजांचा खून झाला’, असा दावा करतात, जरी वैकुंठगमनाची प्राचीन परंपरा असली, तरी हे ऐतिहासिक तथ्य नाकारण्याचा प्रयत्न आहे. ‘संत ज्ञानेश्वर महाराजांनी रेड्यामुखी वेद वाचून दाखवले’, हा चमत्कारिक प्रसंग धादांत खोटा म्हणणे, हा संतपरंपरेचा अवमान आहे, ज्याची पुष्टी सनातन धर्माच्या ग्रंथांत आढळते. अशा अपशब्दांनी भोंदू साधूंप्रमाणे प्रतिष्ठित संतांना अपकीर्त करणे, हे अंधश्रद्धा निर्मूलन नव्हे, तर हिंदु संतश्रद्धेविरोधी आहे.

३. अंनिसच्या ट्रस्टमधील आर्थिक गैरव्यवहार

वर्ष २०१७ मध्ये भारत सरकारने विदेशी निधीचा खुलासा न केल्याकारणाने अंनिसला नोटीस बजावली, ज्यात आर्थिक त्रुटी आढळल्या. दिवाळी अंकासाठी लाखो रुपये गोळा करून लेखापरीक्षणामध्ये दाखवले जात नाहीत; निळू फुले, सदाशिव अमरापूरकर यांना मृत्यूनंतरही जिवंत दाखवून ट्रस्ट चालवणे, हे फसवणुकीचे उदाहरण आहे. शासनाचा आणि विदेशातून येणारा निधी घेऊन ट्रस्टच्या कारभारात पारदर्शकता नसणे, हे वैज्ञानिकतेच्या नावाखाली भ्रष्टाचार आहे.

४. अन्य धर्मांकडे दुर्लक्ष

अंनिस हिंदु रूढींवरच टीका करते; पण इस्लाम, ख्रिस्ती धर्मातील अंधश्रद्धा किंवा मदर तेरेसा यांची चिकित्सा करत नाही. ‘फ्री प्रेस जर्नल’च्या लेखात अन्य धर्मांतील शोषणाकडे दुर्लक्ष करून केवळ हिंदु धर्म आणि हिंदु नागरिक यांना लक्ष्य केले जाते. असे हिंदुविरोधी नेते खोटे कथानक रचतात. खरे अंधश्रद्धा निर्मूलन सर्वधर्मीय असते; पण इथे हिंदू ‘लक्ष्य’ आहे.

५. खंडणाची आवश्यकता

‘फ्री प्रेस जर्नल’मध्ये प्रसिद्ध झालेला लेख अंनिसला शोषणरोधी म्हणतो; पण त्यांची पुस्तके आणि कृती हिंदु अध्यात्माला अंधश्रद्धा म्हणतात. असे म्हणणे, हे शोषण नव्हे, तर धर्मविरोधी आहे. प्रत्यक्षात संतांवरील आरोप खोटे आहेत आणि अंनिसच्या ट्रस्टमधील गैरव्यवहार सिद्ध झाले आहेत. खरेतर हिंदुत्वनिष्ठांना विरोध करणारे हे लोकच हिंदू शोषण वाढवतात. सनातन संस्थेसारख्या संस्था श्रद्धा आणि विज्ञान जोपासतात. त्यामुळे अंनिसचा खरा चेहरा आज समाजासमोर येणे आवश्यक आहे.

– श्री. अरविंद पानसरे, फोंडा, गोवा.