बलुचिस्तानच्या स्वातंत्र्यासाठी लढणार्‍यांना मिळत आहे इस्रायली यंत्रणांचे साहाय्य

क्वेट्टा (बलुचिस्तान) – पाकिस्तानी गुप्तहेर सूत्रांचा दावा आहे की, बलुची स्वातंत्र्यसैनिकांना आता इस्रायली यंत्रणांकडून पैसा, तंत्रज्ञान आणि आधुनिक दळणवळणाची साधने मिळत आहेत. अफगाणिस्तानच्या भूमीचा वापर त्यांच्या तळांसाठी आणि हालचालींसाठी केला जात आहे.

बलुचिस्तानमधील जियारत येथील मांगी डॅम पंपिंग स्टेशनच्या पोलिस चौकीवर आक्रमण झाले. यात बलुच स्वातंत्र्यसैनिकांनी ९ पोलिसांची हत्या केली आणि १८ जणांचे अपहरण केले. नंतर या सर्वांचे मृतदेह टेकड्यांवर सापडले. या घटनेनंतर पाकच्या गुप्तहेरांनी हा दावा केल्यामुळे त्याला महत्त्व प्राप्त झाले आहे.

बलुची लोकांमध्ये संताप

बलुचिस्तान हा पाकिस्तानने वर्ष १९४८ टक्के बळकावलेला भाग आहे. पाकच्या एकूण लोकसंख्येत त्याची भागीदारी ६ टक्केच आहे. येथे तांबे, सोने, कोळसा, नैसर्गिक वायूचे मोठे साठे आहेत. यातील उत्पन्नाचा मोठा भाग पाक सरकार, सैन्य आणि चिनी आस्थापने यांना जात असल्याचा आरोप आहे. यामुळे बलुची लोकांत संताप आहे.