भोंदू बाबा फिरोज शेख याला २ दिवसांची पोलीस कोठडी !

ठाणे – ठाकरे गटाचे माजी खासदार विनायक राऊत यांची सून गिरीजा राऊत यांचा अघोरी छळ केल्याच्या प्रकरणी अटक करण्यात आलेला भोंदू बाबा फिरोज शेख याला ठाणे सत्र न्यायालयाने २ दिवसांची पोलीस कोठडी सुनावली. गिरीजा राऊत यांनी त्यांचे पती गीतेश राऊत, सासरे विनायक राऊत आणि त्यांचे कुटुंबीय यांच्या विरोधातही अघोरी प्रकार करून छळवणूक केल्याची तक्रार प्रविष्ट (दाखल) केली होती. त्यानुसार विनायक राऊत आणि त्यांचा मुलगा गितेश राऊत यांच्यासह सासू, तसेच आणखी तीन जणांविरुद्ध गुन्हा नोंदवण्यात आला आहे.

विनायक राऊत यांचा जामीन अर्ज फेटाळला : अटकेची शक्यता !

विनायक राऊत यांनी अटकपूर्व जामिनासाठी अर्ज केला होता. विनायक राऊत आणि त्यांच्या कुटुंबियांचा अंतरिम जामीन अर्ज ठाणे न्यायालयाने फेटाळला आहे. अटकपूर्व जामीनावर मुख्य सुनावणी २३ जुलैला होणार आहे; पण त्यापूर्वी त्यांच्यावर अटकेची कारवाई होऊ शकते.