1971 Bangladesh Genocide : वर्ष १९७१ मध्ये पाक सैन्याने बांगलादेशात केलेल्या नरसंहाराला ‘वंशसंहार’ म्हणून मान्य करा !

वॉशिंग्टन (अमेरिका) – वर्ष १९७१ च्या युद्धाच्या वेळी पाकिस्तानी सैन्याने बांगलादेशात मोठ्या प्रमाणावर हत्या, बलात्कार आणि अत्याचार केले, ज्यांना वंशसंहार आणि मानवतेविरुद्धचे गुन्हे मानले पाहिजे, असा प्रस्ताव अमेरिकेच्या संसदेत मांडण्यात आला आहे. खासदार ग्रेग लँड्समन यांनी हा प्रस्ताव सादर केला आहे. या काळात ३० लाखांहून अधिक लोक मारले गेले, तर २ लाखांहून अधिक महिलांवर अत्याचार झाले आणि कोट्यवधी लोक बेघर झाले.

‘जमात-ए-इस्लामी’सारख्या गटांविरुद्ध कारवाई करा !

या प्रस्तावात म्हटले आहे की, बंगाली हिंदूंना लक्ष्य करण्यात आले होते. तसेच जमात-ए-इस्लामी सारख्या गटांविरुद्ध कारवाई करण्याचीही मागणी करण्यात आली आहे.

तसेच अमेरिकेच्या राष्ट्राध्यक्षांना आवाहन करण्यात आले आहे की, या घटनांना अधिकृतपणे स्वीकारावे आणि बांगलादेशातील अल्पसंख्यांकांच्या सुरक्षेवर लक्ष द्यावे.