भारतीय इतिहास आणि संस्कृती यांविषयीचे प्रभावी वक्ते अन् लेखक आभास के. मलदहियार !

बेंगळुरू (कर्नाटक) येथील श्री. आभास के. मलदहियार हे भारतीय इतिहास, राजकारण, धर्म आणि संस्कृती यांवर प्रभावीपणे लिहिणारे लेखक आहेत. झारखंडच्या हजारीबाग येथे जन्मलेले श्री. आभास यांनी कटकमधील पीलू मोदी आर्किटेक्चर कॉलेजमध्ये ‘आर्किटेक्चर’चे (वास्तूकलेचे) शिक्षण घेतले आहे. आभास मालदहियार हे एक भारतीय वास्तूविशारद आहेत. त्यांना त्यांच्या कामातून इतिहास आणि कथाकथनाचा शोध घेण्याची पुष्कळ आवड आहे. प्रारंभी साम्यवादी विचारसरणीचे अनुयायी असलेले श्री. आभास यांनी कालांतराने हिंदु परंपरेचे महत्त्व ओळखले. पुढे तत्त्वज्ञान  अन् इतिहासाचे अभ्यासक, लेखक आणि वक्ते म्हणून ते विकसित झाले.

आभास यांच्या जीवनातील हा पालट त्यांच्या इतिहास आणि धर्मविषयक दृष्टीकोनातील प्रगतीचे द्योतक आहे. त्यांच्या लेखनात वैचारिक स्पष्टता, भारतीय विचार आणि संस्कृतीतील वैचारिक गांभीर्य अन् नैतिकतेची आवश्यकता यांचे प्रतिबिंब आढळते.

१. व्यवसाय आणि लेखन कार्य

श्री. आभास यांचे लेखन प्रामुख्याने हिंदु धर्म, भारतीय इतिहास, राजकारण आणि संस्कृती यांवर केंद्रित आहे. त्यांनी ‘फर्स्टपोस्ट’, ‘स्वराज्य’ आणि इतर प्रमुख माध्यमांमध्ये स्वतःचे लेख प्रकाशित केले आहे. त्यांच्या लेखनशैलीत मतांची तीव्रता, विचारांचे खोलवर विश्लेषण आणि अर्थपूर्ण सादरीकरण स्पष्ट दिसून येते.

ते त्यांच्या लेखांद्वारे सांस्कृतिक आणि राजकीय गोष्टींचा आढावा घेऊन भारतीय समाजाची वर्तमान स्थिती उलगडून दाखवतात. त्यांचे विश्लेषण वाचकांचे अभ्यासपूर्ण प्रबोधन करते आणि समाजाला नवा दृष्टीकोन विकसित करण्यास प्रेरित करते.

हिंदूंनी प्रसारमाध्यमांवर आंधळेपणाने विश्वास न ठेवता वस्तूस्थितीचा अभ्यास करावा !

साम्यवादी पत्रकारांची मानसिकता समजून घेणे आवश्यक आहे. साम्यवाद्यांनी मुसलमानांचा सर्वाधिक छळ केला आहे. साम्यवाद्यांच्या राष्ट्रविरोधी विचारसरणीमागे हिंदुविरोधी विचारसरणी लपलेली आहे; कारण भारतासाठी हिंदूच ठामपणे उभे राहून कार्य करू शकतात, हे साम्यवाद्यांना ठाऊक आहे. त्यामुळेच ते भारतविरोधी बातम्या दाखवत आहेत आणि साम्यवादी विचारधारा देशावर प्रस्थापित करण्याचा प्रयत्न करत आहेत.

Babur: A Chessboard King के लेखक Aabhas Maldahiyar का दावा- बाबर मुग़ल नहीं था | EP 89 | Sahitya Tak (सौजन्य : Sahitya Tak)

हिंदुत्व म्हणजे साम्यवाद्यांच्या वाटेतील एक अडथळा आहे आणि म्हणूनच त्याला विरोध होत आहे. आताची हिंदुविरोधी परिस्थिती पहाता हिंदूंनी जागृत व्हायला हवे. हिंदुविरोधी प्रसारमाध्यमांवर बहिष्कार घालायला हवा. सेक्युलर माध्यमांनी मांडलेल्या विचारांवर आंधळेपणाने विश्वास न ठेवता सामाजिक माध्यमांमध्ये येणार्‍या बातम्यांचा अभ्यास करून आणि माहिती मिळवून सत्य परिस्थिती लक्षात घ्यायला हवी.

– श्री. आभास मलदहियार

२. प्रमुख साहित्य

श्री. आभास के. मलदहियार यांनी अनेक पुस्तके लिहिली असून त्यातील काही महत्त्वाची पुस्तके पुढीलप्रमाणे आहेत :

अ. ‘#Modi Again: Why Modi is Right for India – An Ex-Communist’s Manifesto’ :  या पुस्तकात श्री. आभास यांनी साम्यवादी विचारसरणीच्या पार्श्वभूमीतील त्यांचे स्वतःचे अनुभव आणि वैचारिक परिवर्तनाचे विश्लेषण केले आहे. पंतप्रधान नरेंद्र मोदी भारताच्या प्रगती आणि आदर्श यांसाठी कसे उपयुक्त आहेत, हे त्यांनी मांडले आहे. हे पुस्तक आधुनिक भारतीय राजकारणाचे प्रभावशाली विश्लेषण सादर करते.

#Modi Again: (Why Modi is right for India) An Ex-Communist’s Manifesto

(सौजन्य : The Cārvāka Podcast)

आ. ‘Babur: The Chessboard King’ : मोगल सम्राट बाबर याचे विश्लेषण करणारे हे पुस्तक भारतीय इतिहासातील एका महत्त्वपूर्ण कालखंडाचे अवलोकन सादरीकरण करते. यात श्री. आभास यांनी बाबरचा ऐतिहासिक प्रभाव आणि राजकीय डावपेच यांचे विश्लेषण केले असून त्याद्वारे भारतीय इतिहासाचे एका वेगळ्या दृष्टीकोनातून अवलोकन करता येईल.

३. श्री. आभास यांचा सामाजिक माध्यमांवरील प्रभाव आणि विविध चर्चासत्रांमध्ये सहभाग

श्री. आभास हे सामाजिक माध्यमांवर अत्यंत सक्रीय असून ते त्यांचे विचार थेटपणे प्रसारित करतात. ते प्रामुख्याने ‘एक्स’ (@Aabhas24) आणि ‘इन्स्टाग्राम’ (@aabhasmaldahiyar) या सामाजिक माध्यमांवर त्यांचे विचार प्रसारित करतात आणि स्वतःच्या अनुयायांशी अन् वाचकवर्ग यांच्याशी थेट संवाद साधतात. त्या माध्यमातून त्यांच्या विचारांचा गतीने प्रसार होतो.

देश आणि समाज यांवर आधारित चर्चासत्रांच्या माध्यमातून श्री. आभास हे भारतीय इतिहास आणि संस्कृती यांविषयीच्या संवादाला चालना देतात. ते भारतीय इतिहास आणि संस्कृती यांविषयीचे तत्त्वनिष्ठ विचार अत्यंत गांभीर्याने मांडतात अन् त्यामुळे सर्वांचे लक्ष वेधून घेतात.

४. श्री. आभास यांचे वैशिष्ट्य आणि योगदान

श्री. आभास यांचे प्रमुख वैशिष्ट्य, म्हणजे ते भारतीय इतिहास आणि संस्कृती सर्वसामान्यांना समजेल, अशा शैलीत मांडतात. त्यांच्या लेखनात हिंदु धर्म आणि तत्त्वज्ञान यांचे महत्त्व अधोरेखित केले जाते, तसेच सांस्कृतिक परंपरेचे जतन करण्याची आवश्यकताही अधोरेखित होते. ते हे सर्व संशोधनात्मक दृष्टीकोनातून मांडतात, जे भारतीय नैतिक आणि सांस्कृतिक तत्त्वज्ञान यांना सजीवतेने प्रतिबिंबित करते.

त्यांचे लेखन, साहित्य आणि सामाजिक माध्यमांवर व्यक्त होणारे विचार हे भारतीय वैचारिकतेला पूरक आहेत. त्यांनी भारतीय इतिहासाचे सशक्त आणि प्रेरणादायक सादरीकरण करून देशाच्या प्रगतीसाठी नव्या वाटा दाखवण्याचे कार्य केले आहे.

🪷हिंदुत्वाचे शिलेदार या सदरामध्ये प्रसिद्ध होणाऱ्या मान्यवरांची माहिती वाचण्यासाठी इथे क्लिक करा !🪷