इंधन बचत करा आणि सोने खरेदी मर्यादित ठेवा ! : Narendra Modi

नवी देहली – पंतप्रधान नरेंद्र मोदी यांनी २८ जूनला ‘मन की बात’ या त्यांच्या मासिक कार्यक्रमाच्या १३५ व्या भागात देशवासियांशी संवाद साधतांना ‘इंधनाची बचत करा आणि काही काळ सोने खरेदी मर्यादित ठेवा’ या आवाहनाचा पुनरुच्चार केला. पश्चिम आशियातील तणावपूर्ण परिस्थिती आणि जागतिक ऊर्जा संकटाच्या पार्श्वभूमीवर नागरिकांनी केलेल्या सहकार्यासाठी त्यांनी देशवासियांचे आभार मानले.

पंतप्रधान पुढे म्हणाले, ‘‘मी यापूर्वी केलेल्या या आवाहनाला देशभरातून सकारात्मक प्रतिसाद मिळाला असून अनेक कुटुंबांनी इंधन बचतीसाठी विविध उपाय स्वीकारले आहेत. प्रवासासाठी सामायिक वाहनांचा वापर केला गेला. यामुळे इंधनाची बचत, वाहतूक कोंडी अल्प होणे आणि पर्यावरण संरक्षणालाही साहाय्य झाले.’’