‘रामनगर, बेळगाव येथील कु. श्रद्धा नागेंद्र गावडे रामनाथी (गोवा) येथील सनातनच्या आश्रमात आल्यानंतर तिला आध्यात्मिक त्रास झाले. तिला स्वप्नात सद्गुरु डॉ. मुकुल गाडगीळ यांचे दर्शन झाले. त्यांनी सांगितलेला नामजप केल्यावर तिला आलेल्या अनुभूती येथे दिल्या आहेत.
‘१९.४.२०२४ या दिवशी मी रामनाथी आश्रमात गेले होते. तेव्हा रात्री मला झोप येत नव्हती. नंतर मला झोपेत भीतीदायक स्वप्ने पडत होती. नंतर २ – ३ दिवसांनी रात्री झोपतांना माझ्या मनात विचार आला, ‘उद्या सद्गुरु डॉ. मुकुल गाडगीळ यांना भेटून त्यांना मला होणार्‍या त्रासांवर नामजप विचारूया.’ मी रात्री झोपण्यापूर्वी पू. शंकर गुंजेकर (सनातनचे ५६ वे संत, वय ६१ वर्षे) यांनी दिलेली विभूती खोलीमध्ये फुंकरली आणि झोपले.
तेव्हा रात्री मला स्वप्नात दिसले, ‘सद्गुरु गाडगीळकाका आले आहेत. मी त्यांना मला होणारे आध्यात्मिक त्रास सांगितले. त्यांनी मला ‘श्री गुरुदेव दत्त ।’ हा नामजप अर्धा ते एक घंटा करण्यास सांगितला.’
त्यांनी मला स्वप्नात सांगितल्यानुसार मी दुसर्‍या दिवसापासून हा नामजप करू लागले. तेव्हा त्याच दिवसापासून मला चांगली झोप येऊ लागली.
केवळ सद्गुरु गाडगीळकाकांनी स्वप्नात सांगितलेला नामजप केल्यामुळे माझे त्रास दूर झाले. त्याबद्दल प.पू. गुरुदेव आणि सद्गुरु गाडगीळकाका यांच्या चरणी मी कोटीशः कृतज्ञता व्यक्त करते.’
– कु. श्रद्धा नागेंद्र गावडे (वय १८ वर्षे), रामनगर, जिल्हा बेळगाव. (३१.५.२०२४)
|
आपण कर्तव्य करून फळ रामावर सोपवावे !
फोंडा (गोवा) येथील श्री. दीपक छत्रे आणि सौ. आरती दीपक छत्रे यांनी त्यांच्या मुलींनी साधना करावी, यासाठी केलेले साधनेचे संस्कार !
यवतमाळ येथील कु. कृष्णा पारधी (वय १४ वर्षे) याला रामनाथी (गोवा) येथील सनातनच्या आश्रमात आलेल्या अनुभूती
देवद, पनवेल येथील सनातनच्या आश्रमातील ध्यानमंदिरात बसून नामजप करतांना साधकाला ध्यानमंदिरातील देवतांविषयी सूक्ष्मातून मिळालेली माहिती
सेवेची आवड आणि परात्पर गुरु डॉ. आठवले यांच्याप्रती भाव असलेला ५४ टक्के आध्यात्मिक पातळीचा डोंबिवली येथील कु. मंत्र मच्छिंद्रनाथ म्हात्रे (वय १३ वर्षे) !