पायाला गोळी लागून अभिनेते गोविंदा घायाळ !

मुंबई – हिंदी चित्रपटसृष्टीतील प्रसिद्ध अभिनेते गोविंदा यांच्या पायाला गोळी लागून ते घायाळ झाले आहेत. १ ऑक्टोबर या दिवशी पहाटे ४.३० वाजता ‘रिव्हॉल्वर’ कपाटात ठेवत असतांना ती हातातून खाली पडून त्यातील एक गोळी बाहेर पडून गोविंदा यांच्या पायात घुसली. या वेळी गोविंदा यांच्या अंगरक्षकाने त्यांना अंधेरी येथील ‘क्रिटिकेअर’ रुग्णालयात उपचारासाठी भरती केले. सध्या गोविंदा यांना अतीदक्षता विभागात ठेवण्यात आले असून त्यांची प्रकृती स्थिर आहे. मुख्यमंत्री एकनाथ शिंदे यांनी गोविंदा यांच्याशी दूरभाषवरून संपर्क करून त्यांच्या प्रकृतीची विचारपूस केली.