रिक्शाचालकाकडून छेड काढल्याने विद्यार्थिनीची धावत्या रिक्शातून उडी

कल्याण – येथे रिक्शाचालकाने रिक्शात बसलेल्या विद्यार्थिनीची छेड काढण्याचा प्रयत्न केला. या प्रकारानंतर घाबरलेल्या या विद्यार्थिनीने धावत्या रिक्शातून उडी घेतली. कल्याण कोळशेवाडी पोलिसांनी त्या रिक्शावाल्याच्या मुसक्या आवळल्या आहेत. कल्याण पूर्व परिसरात शिकवणीवर्गाला गेलेली विद्यार्थिनी रिक्शातून येत असतांना हा प्रकार घडला. ती रिक्शाचालकाला थांबायला सांगत असतांना त्याने ती मुद्दाम अधिक वेगाने पुढे नेली. त्यामुळे विद्यार्थिनी अधिकच घाबरली. त्यानंतर या अल्पवयीन विद्यार्थिनीने रिक्शातून धावत्या दिशेतूनच उडी मारून घर गाठले. रिक्शाचालक तिच्या घरापर्यंत जाऊन त्याने तिला शिवीगाळ केली.