नंदुरबार येथे रस्त्याअभावी गर्भवतीला झोळीतून नेले !

नंदुरबार – येथील धडगाव तालुक्यातील बुन्नीपाडा येथील गर्भवती महिलेला उदय नदीतील पुराच्या पाण्यातून झोळीच्या साहाय्याने वाट काढत ७ किलोमीटर पायपीट करत रुग्णालयात नेण्यात आले. प्रसूती झाल्यानंतर रुग्णवाहिकेच्या साहाय्याने पाड्यापर्यंत आणले; परंतु पुढे बुन्नीपाडा येथे जाण्यासाठी रस्ता नसल्याने पुन्हा पुराच्या पाण्यातून बांबूची झोळी करून जीवघेणा प्रवास करावा लागला.

येथील रस्त्याच्या कामासाठी ४ वर्षांपूर्वी संमती मिळाली होती; पण ते काम अद्याप चालू झालेले नाही. सातपुड्यातील दुर्गम भागातील नागरिक मूलभूत सुविधांपासून वंचित आहेत.