पुणे – मुंबई ते पुणे प्रवास करणार्या नागरिकांची संख्या अधिक असून अनेक नोकरदार नोकरीनिमित्त मुंबई येथे रहातात आणि आठवड्याच्या अखेरीस पुणे येथे येऊन सोमवारी सकाळी मुंबईला कामावर जातात. अशा प्रवाशांसाठी महाराष्ट्र राज्य परिवहन महामंडळाने स्वारगेट ते मंत्रालय अशी शिवनेरी बस चालू केली आहे. ही शिवनेरी बस प्रत्येक सोमवारी सकाळी ६ वाजता स्वारगेट येथून सुटेल आणि मंत्रालयातून प्रत्येक शुक्रवारी सायंकाळी ६ वाजून ३० मिनिटांनी सुटेल. आठवड्यातून दोन दिवस ही सेवा असेल. त्यामुळे मुंबईतून पुण्यात येणार्या नोकरदारांना हे सोयीचे ठरणार आहे. मंत्रालयातील कर्मचार्यांनी स्वारगेट ते मंत्रालय अशा बसची मागणी केली होती. त्यांच्या मागणीनुसार ही सेवा चालू केली आहे. सध्या या मार्गावर प्रतिदिन हिरकणी बसही चालू आहे. शिवनेरी बसच्या तिकिटात महिला आणि ६५ ते ७५ वर्षे या वयोगटातील ज्येष्ठ नागरिक यांना ५० टक्के सवलत असून ७५ वर्षांवरील ज्येष्ठ नागरिकांसाठी विनामूल्य बस सेवा आहे. या सेवेच्या तिकिटाची नोंदणी महाराष्ट्र राज्य परिवहन महामंडळाचे संकेतस्थळ अथवा भ्रमणभाष उपयोजनेवर प्रवासी करू शकतात, अशी माहिती एस्.टी.चे विभाग नियंत्रक प्रमोद नेहुल यांनी दिली.
सनातन प्रभात > Post Type > बातम्या > राज्यस्तरीय बातम्या > पुणे (स्वारगेट) ते मंत्रालय शिवनेरी बस चालू !
पुणे (स्वारगेट) ते मंत्रालय शिवनेरी बस चालू !
नूतन लेख
- स्वामी समर्थांविषयी आक्षेपार्ह वक्तव्य करणार्या ज्ञानेश महारावांसह आयोजकांवर गुन्हे नोंदवा !
- Devendra Fadanvis On Dharavi Mosque : विश्वस्तांनी दिलेल्या कालावधीत धारावीतील अवैध मशीद स्वत:हून पाडली नाही, तर प्रशासन कारवाई करेल ! – गृहमंत्री देवेंद्र फडणवीस
- Increased Security In Mumbai : मुंबईतील प्रार्थनास्थळे, मशिदी आणि मंदिरे यांच्या सुरक्षा व्यवस्थेत वाढ
- Criminals Beg In Mumbai : मुंबई रेल्वेस्थानक, बाजार आदी ठिकाणी भिकार्यांच्या वेशात समाजकंटकांकडून मागितली जाते भीक !
- Bangladeshi Workers Increased : बाजारपेठेत बांगलादेशी माथाडी कामगारांच्या संख्येत लक्षणीय वाढ !
- महालक्ष्मी स्थानक आणि परिसर यांचा पुनर्विकास होणार !