असामान्य सूक्ष्मज्ञान आणि ज्ञानाची प्रगल्भता असणारे सद्गुरु डॉ. मुकुल गाडगीळ !

१. सद्गुरु डॉ. मुकुल गाडगीळ यांनी सांगितलेल्या ठिकाणी शोधल्यावर एका मिनिटात धनादेश आणि रोख रक्कम मिळणे

‘१४.५.२०२४ या दिवशी एका धर्मप्रेमींनी पैसे अर्पण दिले होते. ते मी एका पाकिटात घालून उत्तरदायी साधकाला देण्यासाठी खोलीतील एका खणात ठेवले. त्यानंतर दोन दिवसांनी उत्तरदायी साधकांना देण्यासाठी त्या खणात पाहिले, तर धनादेश (चेक) आणि रोख रक्कम दोन्हीही ठेवलेल्या जागी मिळाले नाहीत. मी सर्व साधकांना याविषयी विचारले, तसेच सगळीकडे पुष्कळ शोधले, तरी ते मिळाले नाही. त्यामुळे मला ताण आला. त्यानंतर सद्गुरु डॉ. मुकुल गाडगीळ यांना यासंबंधी विचारले. तेव्हा सद्गुरु गाडगीळकाकांनी एका क्षणाचाही विलंब न करता ‘खोलीतील एका कोपर्‍यात उजव्या बाजूला असलेल्या ‘रॅक’मध्ये आहे’, असे सांगितले. सद्गुरु गाडगीळकाकांनी सांगितलेल्या ठिकाणी शोधल्यावर एका मिनिटात धनादेश आणि रोख रक्कम मिळाली.

२. नामपट्ट्यांचा हरवलेला खोका सद्गुरु डॉ. मुकुल गाडगीळ यांनी सांगितलेल्या ठिकाणी शोधताच अन्य एका गठ्ठ्यासमवेत सापडणे

असाच प्रसंग ३ मासांपूर्वी घडला होता. सनातनच्या ग्रंथांच्या मुद्रणाची सेवा करणारे श्री. हरीश आचार्य यांनी एका मुद्रणालयात सनातन संस्थेच्या १० सहस्र ‘स्टिकर’च्या नामपट्ट्या छापल्या होत्या. ‘त्या नामपट्ट्यांचा खोका कामगारांनी कुठे ठेवला ?’, हे त्याला कळले नाही. त्यामुळे त्यांनी २ – ३ दिवस संपूर्ण मुद्रणालयात तो खोका शोधला, तरी खोका सापडला नाही. त्यानंतर सद्गुरु डॉ. मुकुल गाडगीळ यांना याविषयी सांगितले. त्यांनी लगेच सांगितले, ‘‘मुद्रणालयाच्या वरच्या बाजूला उजवीकडे आहे. तिथे शोधा.’’ त्याप्रमाणे शोधल्यावर ‘दुसर्‍या एका गठ्ठ्यासमवेत तोही खोका आहे’, असे लक्षात आले.

या दोन्ही प्रसंगांवरून सनातन संस्थेचे सद्गुरु डॉ. मुकुल गाडगीळ यांच्या ज्ञानाची प्रगल्भता लक्षात येते. असे अनेक सद्गुरु आणि संत देऊन कृपा केल्याबद्दल सच्चिदानंद परब्रह्म डॉ. जयंत आठवले यांच्या चरणी कोटीशः कृतज्ञता !’

– श्री. मोहन गौडा, बेंगळुरू (३१.५.२०२४)

सूक्ष्म : व्यक्तीचे स्थूल म्हणजे प्रत्यक्ष दिसणारे अवयव नाक, कान, डोळे, जीभ आणि त्वचा ही पंचज्ञानेंद्रिये आहेत. ही पंचज्ञानेंद्रिये, मन आणि बुद्धी यांच्या पलीकडील म्हणजे ‘सूक्ष्म’. साधनेत प्रगती केलेल्या काही व्यक्तींना या ‘सूक्ष्म’ संवेदना जाणवतात. या ‘सूक्ष्मा’च्या ज्ञानाविषयी विविध धर्मग्रंथांत उल्लेख आहेत.

सूक्ष्मातील दिसणे, ऐकू येणे इत्यादी (पंच सूक्ष्मज्ञानेंद्रियांनी ज्ञानप्राप्ती होणे) : काही साधकांची अंतर्दृष्टी जागृत होते, म्हणजे त्यांना डोळ्यांना न दिसणारे दिसते, तर काही जणांना सूक्ष्मातील नाद किंवा शब्द ऐकू येतात.