मुंबई – घणसोली येथील ‘ओम साई अपार्टमेन्ट’ ही ४ मजली अनधिकृत इमारत पाडण्याचे आदेश नवी मुंबई महापालिका आणि सिडकोला दिले. ‘बेकायदा बांधकाम नियमित करण्यास अनुमती देता येणार नाही’, तसेच ‘बेकायदेशीर आणि अनियमितता यांत भेद आहे’, असे मुंबई उच्च न्यायालयाने या वेळी स्पष्ट केले. २३ रहिवाशांनी ६ आठवड्यांत इमारत रिकामी करण्याचे आणि नंतर २ आठवड्यांत ती पाडण्याचे आदेश न्यायालयाने दिले. महत्त्वाचे म्हणजे महापालिकेने २०२० मध्ये ४ वेळा ही इमारत पाडली होती. (अनेकदा पाडलेली इमारत पुन्हा बांधली जाते, याचा अर्थ कायदा आणि सुव्यवस्थेचा धाक नाही किंवा भ्रष्टाचाराचे पाणी मुरले आहे ! – संपादक) या वेळी न्यायालयाने सांगितले ‘बेकायदा इमारतीत घर खरेदी करणार्यांनी बँकेकडून कर्ज घेतल्याच्या भावनिक युक्तिवादाला न्यायालय बळी पडू शकत नाही. सर्वसाधारण नियमानुसार चटई क्षेत्रफळ (एफ्.एस्.आय.) उपलब्ध असल्यास किंवा इतर स्रोतांकडून विकास हक्क हस्तांतर (टी.डी.आर्.) स्वरूपात निर्माण करता येत असल्यास बेकायदेशीर बांधकाम नियमित केले पाहिजे, असे म्हणता येणार नाही.
सनातन प्रभात > Location > आशिया > भारत > महाराष्ट्र > घणसोली (नवी मुंबई) येथील अनधिकृत इमारत पुन्हा पाडणार !
घणसोली (नवी मुंबई) येथील अनधिकृत इमारत पुन्हा पाडणार !
नूतन लेख
- इफ्तार पार्ट्यांवर खर्च करण्याऐवजी तो पैसा समाजातील मुलांच्या शिक्षणावर खर्च करा ! – असिफ हुसेन, अध्यक्ष, जमात-ए-इस्लामी, गोवा
- देवगड (सिंधुदुर्ग) : नळपाणीपुरवठा योजनेचे काम चालू न केल्याने साळशी येथे पाणीटंचाई !
- काँग्रेसच्या भ्रष्टाचाराची सूची लांबलचक आहे ! – छ. उदयनराजे भोसले
- सलमान खान याच्या इमारतीवर गोळीबार केलेली पिस्तुले बिश्नोईच्या गावातीलच !
- चोरीच्या वृत्तानंतर बँक ऑफ महाराष्ट्रकडून ४७ लाख रुपयांची भरपाई !
- अमरावती, हिंगोली, बुलढाणा जिल्ह्यांतील काही ठिकाणी मतदान यंत्रांत तांत्रिक बिघाड; मतदार ताटकळले !