श्रीरामरक्षास्तोत्र पाठांतर स्पर्धेत सनातनचा साधक कु. कृष्णकांत कोल्हापुरे याचा तृतीय क्रमांक !

सातारा, १२ मार्च (वार्ता.) – श्रीक्षेत्र सज्जनगड येथील श्रीरामदासस्वामी संस्थानच्या वतीने श्रीरामरक्षास्तोत्र पाठांतर स्पर्धेचे आयोजन करण्यात आले होते. यामध्ये सनातनचा साधक कु. कृष्णकांत रणजित कोल्हापुरे याने तृतीय क्रमांक मिळवला आहे. कु. कृष्णकांत इयत्ता ४ थीमध्ये शिकत असून शाहूपुरी येथील सनातनचे साधक श्री. रणजित कोल्हापुरे यांचा पुत्र आहे. श्री. रणजित कोल्हापुरे हे ९ वर्षांहून अधिक काळ साप्ताहिक ‘सनातन प्रभात’चे शाहूपुरी येथील वितरणाचे दायित्व सांभाळत आहेत.

कु. कृष्णकांत हा लहानपणापासूनच सनातन संस्थेच्या मार्गदर्शनानुसार साधना करत आहे. ‘सनातन संस्थेचे संस्थापक सच्चिदानंद परब्रह्म डॉ. जयंत बाळाजी आठवले यांच्यामुळेच मी हे यश मिळवू शकलो’, असे सांगत कु. कृष्णकांत याने या यशाचे श्रेय आई-वडील आणि गुरुजन यांनाही दिले आहे.