नथुराम गोडसे यांच्या अस्थीकलशाच्या दर्शनासाठी नाशिक येथून यात्रा

नाशिक – नथुराम गोडसे याच्या पुण्यातील अस्थीकलशाच्या दर्शनासाठी नाशिकमधून विशेष यात्रा काढली जाणार आहे. २० जानेवारीला येथून पहाटे ४ ला बस निघतील. त्यासाठी नोंदणी चालू आहे. भीमाशंकर येथे ज्योतिर्लिंगाचे दर्शन घेतल्यानंतर ही मंडळी पुण्यातील जंगली महाराज रोड येथील गोपाळ गोडसे आणि नथुराम गोडसे यांच्या घरी जाऊन अस्थीकलशाचे दर्शन घेतील.

‘अखंड हिंदु राष्ट्र’ हे नथुराम गोडसे यांचे स्वप्न होते. ‘सिंधु नदी भारताच्या सीमेत आल्यानंतरच आपल्या अस्थी विसर्जित कराव्यात’, असे गोडसे यांनी म्हटले होते. त्यामुळे त्यांच्या अस्थी जतन करून ठेवल्या आहेत. नथुराम गोडसे यांचे बंधू गोपाळ गोडसे यांचे नातू अजिंक्य यांच्याकडे अस्थी आहेत. नाशिककर त्याचे दर्शन घेणार आहेत. या वेळी अभिनेते शरद पोंक्षेही उपस्थित असतील.