‘कार्तिक पौर्णिमा आणि कृत्तिका नक्षत्र एकत्र असतांना कार्तिकस्वामी दर्शनाचा योग येतो. सर्वसाधारणपणे ‘स्त्रियांनी कार्तिकस्वामींचे दर्शन घेऊ नये’, असे मानले जाते; परंतु या दिवशी स्त्रियांनीही कार्तिकस्वामींचे दर्शन घेतलेले चालते.
या वर्षी रविवार, २६.११.२०२३ या दिवशी दुपारी ३.५४ पासून सोमवार, २७.११.२०२३ दुपारी १.३५ वाजेपर्यंत कार्तिक पौर्णिमा आणि कृत्तिका नक्षत्र आहे. या योगावर कार्तिकस्वामींचे दर्शन घ्यावे. या दिवशी स्नान करून श्री कार्तिकस्वामींचे दर्शन घेऊन दर्भ, चंदन, फुले, दशांगधूप आणि दीप अर्पण करावा. श्री कार्तिकेय स्तोत्राचे पठण करावे. या स्तोत्राला ‘प्रज्ञावर्धन स्तोत्र’ असेही म्हणतात. या स्तोत्राचे मनोभावे पठण केल्याने मनातील नकारात्मक विचार नष्ट होतात आणि बौद्धिक क्षमता वाढते. श्री कार्तिकस्वामींचे वाहन मयूर (मोर) आहे. त्याची पूजा करावी.
षडानन, मुरुगन, महादेवपुत्र, कार्तिकेय अशा विविध नावांनी श्री कार्तिकस्वामींना ओळखतात. दक्षिण भारतात श्री कार्तिकस्वामींची अनेक मंदिरे आहेत.
कार्तिकस्वामींची दर्शन स्थळे
१. पुणे येथे पर्वतीवर
२. आमराई विसावा जकात नाक्यामागे, पिरवाडी, सातारा.
३. अंभेरी घाट, ता. खटाव, जि. सातारा.
४. श्री क्षेत्रपाल नरोणा, आळंद, ता. अक्कलकोट, जिल्हा सोलापूर.
५. सिंधुदुर्ग जिल्हा – मुळदे, ता. कुडाळ आणि हिंदळे, ता. देवगड
६. राजापूर, जि. रत्नागिरी
७. रावणकोंड, गोवा
८. कोल्हापूर – पंचगंगेच्या तिरावर आणि श्री महालक्ष्मी मंदिराच्या आवारात
९. साबरमती, गुजरात
१०. बळ्ळारी, कर्नाटक
या व्यतिरिक्त आपल्या गावी किंवा अन्यत्र असलेल्या कार्तिकस्वामींच्या मंदिरात जाऊन दर्शन घ्यावे.’
– सौ. प्राजक्ता संजय जोशी, ज्योतिष फलित विशारद, कुडाळ, जिल्हा सिंधुदुर्ग.
सेवेची तळमळ आणि सच्चिदानंद परब्रह्म डॉक्टरांप्रती भाव असलेले पुत्तुर, कर्नाटक येथील सनातनचे १२९ वे संत पू. सांतप्पा गौडा (वय ८१ वर्षे) !
‘सच्चिदानंद परब्रह्म डॉ. आठवले सतत समवेत आहेत’, असा भाव असणार्या सनातनच्या १३० व्या संत उजिरे, कर्नाटक येथील पू. (श्रीमती) कमलम्मा (वय ८१ वर्षे) ! 
सच्चिदानंद परब्रह्म डॉ. आठवले यांच्याप्रती कृतज्ञताभाव असलेल्या मंगळुरू येथील सनातनच्या १३१ व्या संत पू. (सौ.) शशिकला किणी (वय ७७ वर्षे) !
साधनेचे तेज आणि असामान्य कर्तृत्व हेच दैवी सौंदर्य असलेले परात्पर गुरु डॉ. आठवले !
उद्योगपतींचे धर्मकार्यात योगदान !