गुना (मध्यप्रदेश) येथील कॉन्व्हेंट शाळेत हिंदु विद्यार्थिनींना हिजाब घालून नृत्य करण्यास लावले !

अखिल भारतीय विद्यार्थी परिषदेच्या आंदोलनानंतर मुख्याध्यापक आणि कर्मचारी निलंबित

गुना (मध्यप्रदेश) – येथील प्रिंस ग्लोबल स्कूल या कॉन्व्हेंट शाळेमध्ये हिंदु विद्यार्थिनींकडून हिजाब घालून एका हिंदी चित्रपटातील गाण्यावर नृत्य सादर केले. याची माहिती मिळाल्यानंतर अखिल भारतीय विद्यार्थी परिषदेने शाळेत येऊन आंदोलन केले. त्यांनी घोषणाबाजी केली.

याची माहिती मिळताच पोलीस शाळेत पोचले. जोपर्यंत शाळेचे मुख्याध्यापक आणि अन्य संबंधित यांच्यावर कारवाई होत नाही, तोपर्यंत आंदोलन चालू ठेवण्यात येईल, असे परिषदेकडून सांगण्यात आल्यानंतर मुख्याध्यापक आणि अन्य कर्मचारी यांना निलंबित करण्यात आले. अखिल भारतीय विद्यार्थी परिषदेचे संयोजक विकास शिवहरे यांनी सांगितले की, शाळेमध्ये शिक्षणाच्या ठिकाणी धर्मांतराला प्रोत्साहन दिले जात आहे.