सनातन प्रभात > Post Type > बातम्या > राष्ट्रीय बातम्या > Telangana AI Training : तेलंगाणातील काँग्रेस सरकार ८० सहस्र अल्पसंख्यांक विद्यार्थ्यांना एआय आणि डिजिटल सुरक्षा यांचे विनामूल्य प्रशिक्षण देणार !

Telangana AI Training : तेलंगाणातील काँग्रेस सरकार ८० सहस्र अल्पसंख्यांक विद्यार्थ्यांना एआय आणि डिजिटल सुरक्षा यांचे विनामूल्य प्रशिक्षण देणार !

तेलंगणाचे अल्पसंख्याक कल्याण मंत्री महंमद अझरुद्दीन (बोलताना)

भाग्यनगर (तेलंगाणा) – ‘तेलंगणा मायनॉरिटीझ रेसिडेन्शियल एज्युकेशनल इन्स्टिट्यूशन्स सोसायटी’द्वारे चालवल्या जाणार्‍या संस्थांमध्ये शिकणार्‍या अल्पसंख्यांक धर्मांतील ८० सहस्र विद्यार्थ्यांसाठी तेलंगाणातील काँग्रेस सरकारने ‘एआय रेडीनेस अँड डिजिटल सेफ्टी प्रोग्राम’ या उपक्रम चालू केला आहे.

हा उपक्रम तेलंगाणा सरकार, ‘डोक्सा कन्सल्टिंग प्रायव्हेट लिमिटेड’ आणि ‘मास्क नेक्स्टजेन इंक’ यांच्यातील संयुक्त भागीदारीतून १५ ऑगस्टपासून २०५ निवासी शाळांमध्ये राबवला जाईल. हा कार्यक्रम पूर्णपणे विनामूल्य असेल; कारण याचे आर्थिक नियोजन आणि कार्यवाही ‘कॉर्पोरेट सोशल रिस्पॉन्सिबिलिटी (सीएस्आर) भागीदारीच्या माध्यमातून केली जात आहे.

अल्पसंख्याक कल्याण मंत्री आणि माजी क्रिकेटपटू महंमद अझरुद्दीन यांनी सांगितले की,

वेगाने पालटणार्‍या तंत्रज्ञानाच्या युगात अल्पसंख्यांक समाजातील विद्यार्थी मागे पडू नयेत, हे लक्षात घेऊन हा कार्यक्रम आखण्यात आला आहे. शालेय स्तरावरच एआय आणि डिजिटल साक्षरता यांचा समावेश करून आम्ही आमच्या तरुणांना केवळ तंत्रज्ञान क्रांतीत सहभागी होण्यासाठीच नव्हे, तर त्याचे नेतृत्व करण्यासाठी सक्षम करत आहोत, ज्याचे स्वप्न मुख्यमंत्री ए. रेवंत रेड्डी यांनी तेलंगाणासाठी पाहिले आहे.

संपादकीय भूमिका

  • पाकिस्तानात किंवा बांगलादेशातही मुसलमानांना जे शिक्षण मिळत नाही, ते काँग्रेसची राजवट भारतात देते, हे यातून पुन्हा उघड झाले !
  • इस्लामी देशांत अल्पसंख्यांक हिंदूंचा वंशसंहार होतो, तर भारतात काँग्रेसकडून अल्पसंख्यांक मुसलमानांना डोक्यावर बसवले जाते !
  • धर्मनिरपेक्ष देशात केवळ अल्पसंख्यांकांना विशेष प्रशिक्षण कसे दिले जाते ? एरव्ही धर्मनिरपेक्षता धोक्यात आल्याची ओरड करणारे आता गप्प का ?

नूतन लेख