रस्ते जलमय, घरांमध्ये पाणी शिरल्याने नागरिकांची धावपळ !
भंडारा – मागील ३ दिवसांपासून जिल्ह्यात जोरदार पावसाने उपस्थिती लावलेली असतांनाच २२ सप्टेंबर या दिवशी सकाळी ९ ते दुपारी १२.३० वाजेपर्यंत तुमसर आणि मोहाडी या २ तालुक्यांत ढगफुटीसदृश पाऊस झाला. ३ घंट्यांपर्यंत मुसळधार पाऊस झाल्याने जिल्ह्यातील जनजीवन विस्कळीत झाले आहे. अजूनही पाऊस चालूच आहे.
भंडारा जिल्ह्यात तीन तास ढगफुटी सदृष्य पाऊस: रस्ते जलमय, घरांमध्ये पाणी शिरल्याने नागरिकांची धावपळ, अनेक ठिकाणी पूरस्थिती#BhandaraRain
https://t.co/rqHdqRcX5L— Divya Marathi (@MarathiDivya) September 22, 2023
तुमसर शहरातील मुख्य मार्गावरून पावसाचे पाणी वाहू लागल्याने सर्वत्र जलमय स्थिती निर्माण झाली आहे. यासमवेत तुमसर वन विभागाच्या कार्यालयासह वन कर्मचार्यांच्या वसाहतीत मोठ्या प्रमाणात या मुसळधार पावसाचे पाणी शिरल्याने तिथे परिसर जलमय झाला. वसाहतीत पाणी शिरल्याने तेथील कुटुंबियांनी वर्षभरासाठी घेऊन ठेवलेले जीवनपयोगी साहित्य पाण्यात जाण्याची भीती आहे. त्यामुळे या वस्तूंची नासाडी होण्याची भीती वन कर्मचार्यांनी व्यक्त केली आहे.
अनेक ठिकाणी पूरस्थिती !
भंडारा जिल्ह्यातील मोहाडी येथील काही सखल भागात पावसाचे पाणी शिरल्याने नागरिकांची धावपळ झाली. या मुसळधार पावसाने अनेक नागरी वसाहती जलमय झाल्या आहेत. चंद्रपूर जिल्ह्यात २१ सप्टेंबर या दिवशी मुसळधार पाऊस झाल्याने अनेक वस्त्यांमध्ये पाणी शिरले होते. पूर्व विदर्भात सर्वदूर पाऊस आहे. प्रादेशिक हवामान केंद्राने आणखी २-३ दिवस तुरळक ठिकाणी मुसळधार, तर बहुतांश ठिकाणी हलका ते मध्यम पाऊस पडण्याची शक्यता वर्तवली आहे. नागपूर जिल्ह्यातही २ दिवसांपासून मध्यम ते मुसळधार पाऊस आहे.
वैध ‘प्रिस्क्रिप्शन’विना गर्भपाताच्या गोळ्यांची खरेदी-विक्री करू नका !
मोरजी येथे दुसर्या दिवशीही अवैध बांधकामांवर कारवाई
उल्हासनगर येथे घरफोडी करणार्या धर्मांधाला अटक; १० लाख ९० सहस्र रुपयांचे दागिने जप्त !
स्मार्ट वीजमीटरला विरोध करणार्यांचा आवाज दाबण्याचा प्रयत्न ! – सिंधुदुर्ग वीज ग्राहक संघटना, दोडामार्ग शाखा
लोहियानगर (पुणे) येथील आधुनिक वैद्यांनी पिस्तुल दाखवून दिली जिवे मारण्याची धमकी !
सातारा निवासी उपजिल्हाधिकारी नागेश पाटील यांना काही युवकांकडून मारहाण