‘सप्‍टेंबर २०२१ मध्‍ये सुश्री (कु.) तेजल पात्रीकर यांच्या आवाजात ‘श्री गणेशाय नमः ।’ आणि ‘ॐ गं गणपतये नमः ।’ हे गणपतीचे तारक रूपातील नामजप ध्‍वनीमुद्रित करण्यात आले. दोन्‍ही नामजप सप्‍टेंबर मासात प्रतिदिन १० मिनिटे आश्रमातील ध्‍वनीवर्धकावर साधकांना ऐकवण्‍यात आले. ‘ते नामजप ऐकून काय अनुभूती येतात ?’, हे लिहून देण्‍यास सांगण्‍यात आले. या संदर्भात मला आलेल्या अनुभूती येथे देत आहे.
| ‘श्री गणेशाय नम: ।’ आणि ‘ॐ गँ गणपतये नम: ।’ या दोन नामजपांच्‍या वेळी आलेल्या अनुभूतींतून ‘कुणाला कोणता जप करणे आवश्‍यक असते,’ हे शिकायला मिळते. यामुळे देवतांना विविध नावे असण्‍यामागील कारणही समजून येते.’
– परात्‍पर गुरु डॉ. आठवले (२१.९.२०२१) |
१. ‘श्री गणेशाय नम: ।’ हा नामजप ऐकल्‍यावर आलेल्या अनुभूती
अ. नामजप ऐकत असतांना माझ्‍या आज्ञाचक्रावर चांगल्या संवेदना जाणवून मला आनंदाची अनुभूती आली.
आ. हा नामजप श्री गणेशाच्‍या तारक शक्‍तीचा असून त्‍याची तारक शक्ती गोलाकार वलयांच्‍या रूपात माझ्‍या आज्ञाचक्रातून माझ्‍या देहात गेल्‍याचे जाणवले. त्‍यामुळे माझे संपूर्ण शरीर थंड झाले.
इ. नामजपातील ‘श्री गणेशाय’ हा शब्‍द ऐकतांना आनंद जाणवला आणि ‘नम:’ हा शब्‍द ऐकतांना माझ्‍या हृदयात आर्तभाव जागृत झाल्‍याचे जाणवले.
ई. हा नामजप सलग १० मिनिटे ऐकल्‍यावर माझ्‍या अनाहतचक्राच्‍या ठिकाणी मला शीतलता जाणवून शांतीची अनुभूती आली.
उ. हा नामजप ऐकतांना मला श्री गणेशाच्‍या डोळ्‍यांचे दर्शन झाले. त्‍याच्‍या डोळ्‍यांतून त्‍याची भक्‍तांवर असलेली असीम कृपा झळकत होती. त्‍याच्‍या मनोहर नेत्रांचे दर्शन घेतल्‍यावर माझे मन शांत आणि तृप्‍त झाले.
ऊ. हा नामजप करत असतांना ‘एकदंत, वक्रतुंड, विनायक, मंगलमूर्ती आणि प्रथमेश’ या श्रीगणेशाच्‍या विविध रूपांचे स्‍मरण झाले.
२. ‘ॐ गँ गणपतये नम: ।’ हा नामजप ऐकल्‍यावर आलेल्या अनुभूती
अ. हा नामजप करत असतांना मला माझ्‍या आज्ञाचक्राच्‍या ठिकाणी निळसर रंगाच्‍या ‘ॐ’ चे दर्शन झाले.
आ. ‘हा नामजप ऐकत असतांना माझ्‍या देहाभोवती पांढर्‍या रंगातील नामजप फिरत आहे’, हे सूक्ष्म दृश्‍य मला दिसले.
इ. हा नामजप करत असतांना मला श्रीगणेशाची अनन्‍य भक्‍ती करणार्‍या गणेशभक्‍त बाल बल्लाळाचे स्‍मरण झाले.
उ. गणपतीची सोंड मोठी होऊन तिने अनेक वाईट शक्‍तींना गुंडाळून अग्‍नीकुंडात फेकल्‍याचे सूक्ष्म दृश्‍य दिसले.
ऊ. एकदंत श्री गणेशाचा दात मोठा झाला आणि त्‍याने अनेक वाईट शक्‍तींचा नाश केल्‍याचे जाणवले.
ए. गणपतीचे रूप पुष्‍कळ मोठे झाले आणि नंतर ते ॐ कारात विलीन झाल्‍याचे जाणवले.
– कु. मधुरा भोसले (सूक्ष्मातून मिळालेले ज्ञान) (आध्यात्मिक पातळी ६५ टक्‍के), सनातन आश्रम, रामनाथी, गोवा. (१८.९.२०२१)
‘श्री गणेशाय नम: ।’ आणि ‘ॐ गँ गणपतये नम: ।’ या नामजपांतील भेद
|
सच्चिदानंद परब्रह्म डॉ. जयंत आठवले यांच्या जन्मोत्सवानिमित्त पुणे येथे काढलेल्या दिंडीमध्ये साधिकेला शिकायला मिळालेली सूत्रे आणि आलेल्या अनुभूती
सनातनच्या ६४ व्या संत पू. (कै.) श्रीमती शेऊबाई लोखंडे (वय १०० वर्षे) यांची त्यांच्या कुटुंबियांना जाणवलेली गुणवैशिष्ट्ये, तसेच त्यांच्या देहत्यागापूर्वी आणि नंतर जाणवलेली सूत्रे !
सच्चिदानंद परब्रह्म डॉ. आठवले यांच्या ब्रह्मोत्सवानिमित्त झालेल्या चंडीयागाचे संगणकीय प्रक्षेपण पहातांना मध्यप्रदेश येथील साधकांना जाणवलेली सूत्रे आणि आलेल्या अनुभूती
परात्‍पर गुरु डॉ. आठवले यांच्या सत्संगात साधिकेने अनुभवलेले दिव्य आणि अनमोल क्षण !
पू. (श्रीमती) शेऊबाई लोखंडेआजी यांनी देहत्याग केल्यानंतरच्या त्यांच्या छायाचित्रांतून उत्तरोत्तर अधिक प्रमाणात चैतन्य प्रक्षेपित होणे
जिज्ञासा, तळमळ आणि सच्चिदानंद परब्रह्म डॉ. आठवले यांच्याप्रती अपार श्रद्धा असलेल्या आंध्रप्रदेश येथील संत पू. (कै.) आरवल्ली आण्डालआजी (वय ८८ वर्षे) !