गुरुबंधूपुष्‍प अर्पू गुरुचरणांसी ।

३०.८.२०२३ या दिवशी रक्षाबंधन आहे. त्‍या निमित्ताने…

आज असे रक्षाबंधन ।
प्रार्थना करिते देवाकडे ।
बाकी काहीच नको रे ।
साधनेत ने पुढे
बंधूरायांना लवकर रे ॥ १ ॥

देव हसूनी ‘हो’ म्‍हणाला ।
पण गमतीत मला म्‍हणाला ।
तुझे भाऊ आहेत फार छान ।
तुझे करतात जरा जास्‍तच लाड ॥ २ ॥

देवाशी काय बोलावे ।
हे मला कळेनासे झाले ।
घट्ट धरूनी त्‍याच्‍या चरणांशी ।
काय तुला अपेक्षित, असे मी विचारले ॥ ३ ॥

आहात फार भाग्‍यवान तुम्‍ही, असे देव म्‍हणाला ।
गुरूंनी घेतले त्‍यांच्‍या चरणांशी तुम्‍हाला ।
साधनेत प्रगती करून दाखवा ।
श्री गुरूंनी दिलेल्‍या या नात्‍याचा
खर्‍या अर्थाने लाभ करून घ्‍यावा ॥ ४ ॥

स्‍वतः प्रयत्न करता करता ।
भावा-बहिणींनी एकमेकांनाही साहाय्‍य करा ।
श्री गुरूंना मग नक्‍कीच आनंद होईल ।
हे गुरुबंधूपुष्‍प त्‍यांच्‍या चरणी अर्पण करता येईल ॥ ५ ॥

चल तर मग दादा ।
करूया ना प्रयत्न ।
साहाय्‍य करून एकमेकां ।
प्रगती करूया साधनेत ॥ ६ ॥

आहेत श्री गुरु पाठीशी ।
सर्वस्‍व त्‍यांना अर्पूनी ।
मनात तळमळ ठेवूनी ।
जाऊया त्‍यांच्‍या चरणांशी ॥ ७ ॥

ध्‍यास गुरुचरणप्राप्‍तीचा ठेवूया ।
या नात्‍याचा आध्‍यात्मिक लाभ करून घेऊया ।
नुसतेच नको बहीण-भाऊ ।
तर गुरुबंधू-भगिनी होऊ ॥ ८ ॥

हे बंधूपुष्‍प अर्पण करूया श्री गुरुचरणी ।
दादा, भावपूर्ण नमस्‍कार रक्षाबंधनाच्‍या निमित्ताने ।
तुझी साधनेत प्रगती होऊ दे जलद गतीने ।
प्रार्थना असे गुरुचरणी ॥ ९ ॥

– कु. वेदिका दहातोंडे (वय १७ वर्षे), सनातन आश्रम, रामनाथी, गोवा. (१०.८.२०२२)

भावा-बहिणीचे प्रेमळ नाते ।

भावा-बहिणीचे हे नाते किती प्रेमळ असे ।
दिसत नसली, तरी प्रीती अढळ असे ॥ १ ॥

वेळ पडल्‍यास लढतो तो बहिणीसाठी ।
तितकेच हृदय असे मऊ फूलपाकळीसारखे ॥ २ ॥

बहिणीचीही माया अपार ।
या प्रेमळ आणि खट्याळ भावावर ॥ ३ ॥

काय करू नि काय नको ।
असे होते तिला भावासाठी ॥ ४ ॥

शब्‍द नाही अजून या नात्‍याविषयी ।
अनुभवूनच आनंद, होऊया आनंदी ॥ ५ ॥

– कु. वेदिका दहातोंडे (वय १७ वर्षे), सनातन आश्रम, रामनाथी, गोवा. (१०.८.२०२२)