अमावास्येच्या एक आठवडा आधी आणि नंतर गुन्हे वाढतात; म्हणून या काळात सतर्क रहा !

लक्ष्मणपुरी (उत्तरप्रदेश) – उत्तरप्रदेशचे पोलीस महासंचालक विजय कुमार यांनी एक परिपत्रक काढले आहे. यात म्हटले आहे की, राज्यातील सर्व जिल्ह्यांमध्ये मुख्यालय स्तरावर घडलेल्या घटनांचे विश्‍लेषण केल्यावर असे लक्षात आले आहे की, अमावास्येच्या एक आठवडा आधी आणि एक आठवडा नंतर रात्रीच्या वेळी गुन्ह्यांमध्ये वाढ झाली आहे. यानुसार जर आपण हिंदु पंचांग वापरून अधिक सतर्क झालो, तर गुन्ह्यांची वारंवारता न्यून होण्यास साहाय्य होऊ शकते. हे विश्‍लेषण वरिष्ठ पोलीस अधिकार्‍यांच्या पातळीवर प्रत्येक मासाला केले जावे.

यात पुढे म्हटले आहे की, १४ सप्टेंबर आणि १४ ऑक्टोबर या दिवशी अमावास्या येणार असून त्याच्या एक आठवडा आधी आणि नंतर अधिकार्‍यांनी सतर्क रहावे. गुन्हेगारी रोखणे, हे पोलिसांच्या सर्वोच्च प्राधान्यांपैकी एक आहे. सशक्त पोलीस दलाच्या माध्यमातून राज्यातील सर्वसामान्य नागरिकांना जगण्यासाठी सुरक्षित वातावरण निर्माण केले पाहिजे. यासाठी रात्रीची गस्त अधिकाधिक प्रभावीपणे करणे आवश्यक आहे, जेणेकरून सर्वसामान्य जनतेला त्यांच्या सुरक्षेविषयी विश्‍वास निर्माण होईल.

#WATCH | UP DGP Vijay Kumar says, “We discuss how Policing is done on the basis of the movement of the moon. To know the movement of the moon, the easiest method is Hindu Panchang as per which we we regulate the Police movement. It is very important for the public to know this so… pic.twitter.com/xRuF1lzvD4

— ANI UP/Uttarakhand (@ANINewsUP) August 21, 2023