कोल्‍हापूर – ‘पी.एफ्.आय.’(पॉप्‍युलर फ्रंट ऑफ इंडिया) या आतंकवादी संघटनेच्‍या संपर्कात असल्‍याच्‍या संशयावरून राष्‍ट्रीय अन्‍वेषण यंत्रणेने (एन्.आय.ए.ने) कोल्‍हापूर शहरासह इचलकरंजी, हुपरी येथे धाडी घातल्‍या. यात तिघांना कह्यात घेतल्‍याचे समजते. या तिघांकडून महत्त्वाची कागदपत्रे, इलेक्‍ट्रॉनिक्‍स वस्‍तू असे साहित्‍य कह्यात घेण्‍यात आले आहे. या कारवाईविषयी प्रचंड गुप्‍तता पाळण्‍यात आली असून स्‍थानिक यंत्रणांनाही या कारवाईची फारशी माहिती नव्‍हती. स्‍वातंत्र्यदिनाच्‍या १ दिवस अगोदर ही कारवाई झाल्‍याने मोठी खळबळ उडाली आहे. यापूर्वीही राष्‍ट्रीय अन्‍वेषण यंत्रणेचे पथक कोल्‍हापूर जिल्‍ह्यात येऊन गेले होते.
या संदर्भात राष्‍ट्रीय अन्‍वेषण यंत्रणेने (एन्.आय.ए.ने) केंद्रीय स्‍तरावर एक प्रसिद्धीपत्रक काढले आहे. यात‘पी.एफ्.आय.’चे जाळे नष्‍ट करण्‍यासाठी ५ राज्‍यांत १४ ठिकाणी धाडी घालण्‍यात आल्‍या. यात कोल्‍हापूर जिल्‍ह्याचाही समावेश असल्‍याची माहिती देण्‍यात आली आहे. देशात धार्मिक तणाव निर्माण करून हिंसाचार भडकावण्‍याचा आणि समाजात फूट पाडण्‍याचा संघटनेचा कट होता, असे एन्.आय.ए.च्‍या अधिकार्‍यांनी सांगितले.
सातारा येथे वडिलांसह मुलाला शेअर मार्केटमध्ये पैसे गुंतवायला लावून १ कोटींची फसवणूक !
बिद्री सहकारी साखर कारखान्याच्या डिस्टलरी प्रकल्पाचा परवाना राज्य उत्पादन शुल्क विभागाकडून निलंबित !
पुणे येथे संतप्त धर्मांधाकडून बहिणीच्या हिंदु प्रियकराच्या वडिलांची अमानुष हत्या !
दिवसभरातील घडामोडींवर एक दृष्टीक्षेप : कत्तलीपासून गोवंशियांची मुक्तता !; एस्.आर्.पी.एफ्. भरती प्रक्रिया थांबवण्यासाठी युवकांचा गोंधळ !…
अमली पदार्थ मेजवानी झालेल्या ‘एल्-३ बार’चा परवाना उत्पादन शुल्क विभागाकडून निलंबित !
आळंदी देवस्थानचे प्रमुख योगी निरंजन यांची आंदोलनाची चेतावणी