‘१७.६.२०२३ या दिवशी रामनाथ देवस्‍थान येथे हिंदु जनजागृती समितीने आयोजित केलेल्‍या ‘वैश्‍विक हिंदु राष्‍ट्र महोत्‍सवा’त वक्‍त्‍यांनी मार्गदर्शन केले. त्या वेळी देवाने आमच्‍याकडून करवून घेतलेले सूक्ष्म परीक्षण पुढे दिले आहे.
१. श्री. कृष्‍ण देवराय, अराविडू राजवंश, आनेगुंडी नरपति संस्‍थानम्, कर्नाटक
अ. श्री. देवराय मंदिरांच्‍या संदर्भातील कार्य करत असल्‍याने त्‍यांच्‍यावर देवतांची कृपा होते. त्‍यामुळे त्‍यांच्‍या काही कौटुंबिक अडचणी सुटण्‍यास साहाय्‍य होते.
आ. त्‍यांच्‍यात नम्रता आणि धर्माभिमान आहे अन् त्‍यांच्‍यात आंतरिक भाव आहे. ते त्‍यांच्‍या विविध कृतींतून व्‍यक्‍त होतो.
२. श्री. महेश डेगला, संस्‍थापक अध्‍यक्ष, हिंदु उपाध्‍याय समिती, आंध्रप्रदेश
अ. श्री. डेगला यांच्‍यात प्रधान गुण क्षात्रवृत्ती आहे. त्‍यामुळे त्‍यांना हिंदूंना जागृत करता येते. यासमवेत त्‍यांच्‍यात नेतृत्‍व, स्‍वीकारण्‍याची वृत्ती, प्रेमभाव आणि इतरांना समजून घेणे, असे अनेक गुण आहेत.
आ. त्‍यांना राष्‍ट्र आणि धर्म कार्य करण्‍याची पुष्‍कळ तळमळ आहे अन् त्‍यांच्‍यात त्‍याग करण्‍याची वृत्ती आहे. त्‍यामुळे ते करत असलेल्‍या प्रयत्नांंना यश मिळते.
३. अधिवक्‍ता नीलेश सांगोलकर, अधिवक्‍ता संघटक, हिंदु जनजागृती समिती
अधिवक्‍ता सांगोलकर यांना महालक्ष्मीदेवीचा आशीर्वाद आहे. त्‍यामुळे हिंदु धर्माविषयी कार्य करतांना काही विषय ते ईश्‍वरी प्रेरणेने बोलतात.
४. श्री. अनुप जयस्‍वाल, सचिव देवस्‍थान सेवा समिती, विदर्भ, महाराष्‍ट्र्र
अ. श्री. जयस्‍वाल निःस्‍वार्थी वृत्तीचे आहेत. त्‍यांना धर्मकार्य करतांना कुठल्‍याही व्‍यावहारिक अपेक्षा नसतात. त्‍यामुळे त्‍यांच्‍यावर देवतांची कृपादृष्‍टी आहे.
आ. गुरूंच्‍या आज्ञेने ते व्‍यष्‍टी साधना करतात आणि मंदिरांच्‍या मुक्‍तीसाठी प्रयत्न करण्‍याच्‍या माध्‍यमातून त्‍यांची समष्‍टी साधना होत आहे. ते धर्मकार्य करतांना देवतांचे अस्‍तित्‍व अनुभवतात.
५. डॉ. एन्. रमेश हासन, सहकार संजीवनी हॉस्‍पिटल, हासन, कर्नाटक
अ. डॉ. हासन यांच्‍यात उत्‍साह, नम्रता, साधकत्‍व, शिकण्‍याची वृत्ती, अंतर्मुखता हे गुण आहेत, तसेच त्‍यांच्‍यात क्षात्रशक्‍ती आहे.
आ. त्‍यांची ‘निरपेक्षभावाने मंदिरांसंबंधी परिपूर्ण ऐतिहासिक संशोधन करणे आणि त्या संदर्भात हिंदु समाजाला जागृत करणे’ या माध्‍यमांतून साधना होत आहे.
६. अधिवक्‍ता विष्‍णु शंकर जैन, सर्वोच्‍च न्‍यायालय तथा प्रवक्‍ते, हिंदु फ्रंट फॉर जस्‍टिस
अ. अधिवक्‍ता विष्‍णु शंकर जैन यांची साधना आणि कृतज्ञताभाव यांत वाढ होत आहे. परिणामी त्‍यांच्‍या हातून होत असलेल्‍या समष्‍टी कार्यातही वाढ होत आहे. त्‍यामुळे त्‍यांना ‘धर्मात्‍मा’ हे संबोधन आहे.
आ. त्‍यांच्‍यात गुरु आणि देव यांच्‍याप्रती भाव असल्‍याने धर्माच्‍या संदर्भातील कठीण अडचणी ते सक्षमतेने सोडवतात.
इ. त्‍यांच्‍या आध्‍यात्मिक क्षमतेत वाढ होत असल्‍यामुळे त्‍यांच्‍यात अधिवक्‍ता, धर्मरक्षक, हिंदु प्रवक्‍ते, साधक अशा अनेक दायित्‍वांचे वहन करण्‍याची क्षमता निर्माण होत आहे.’
– श्री. राम होनप, कु. मधुरा भोसले (आध्‍यात्मिक पातळी ६४ टक्‍के) आणि श्री. निषाद देशमुख (आध्‍यात्मिक पातळी ६२ टक्‍के) (सूक्ष्मातून मिळालेले ज्ञान), सनातन आश्रम, रामनाथी, गोवा. (१७.६.२०२३)
|
रत्नागिरी येथील ६१ टक्‍के आध्‍यात्मिक पातळीचे (कै.) मोहन बेडेकर यांच्या मृत्यूनंतर केलेले सूक्ष्म परीक्षण
अयोध्येतील श्रीराममंदिरात स्थापित करण्यात आलेल्या श्रीरामलल्लाच्या मूर्तीचे श्री. राम होनप यांनी केलेले सूक्ष्म परीक्षण !
एका संतांना दैनिक ‘सनातन प्रभात’ची जाणवलेली सूक्ष्मातील वैशिष्ट्ये
अयोध्या येथील श्रीराममंदिराचे बांधकाम चालू असतांना घडलेल्या सूक्ष्मातील प्रक्रियेचे ६२ टक्‍के आध्‍यात्मिक पातळीच्या एका साधिकेने केलेले सूक्ष्म परीक्षण
‘वैश्‍विक हिंदु राष्‍ट्र महोत्‍सवा’च्या काळामध्ये प्रसाद भांडारात सेवा करत असतांना कु. श्रिया राजंदेकर हिला आलेल्या अनुभूती आणि शिकायला मिळालेली सूत्रे