(म्हणे) ‘हिंदुत्वात हत्या, हिंसा आणि भेदभाव यांना दिला जातो पाठिंबा !’

कर्नाटकातील काँग्रेसचे नेते सिद्धरामय्या यांचा हिंदुद्वेष !

कलबुर्गी (कर्नाटक) – हिंदुत्व राज्यघटनाविरोधी आहे. हिंदुत्व आणि हिंदु धर्म या दोन वेगवेगळ्या गोष्टी आहेत. मी हिंदु धर्माच्या विरोधात नाही. मीही एक हिंदु आहे; पण माझा हिंदुत्व आणि मनुवाद यांना विरोध आहे, असे विधान काँग्रेसचे नेते आणि राज्याचे विरोधी पक्षनेते सिद्धरामय्या यांनी येथे एका कार्यक्रमात केले. ‘कोणत्याही धर्मात हत्या आणि हिंसा यांचे समर्थन होत नाही; पण हिंदुत्वात हत्या, हिंसा आणि भेदभाव या गोष्टींना पाठिंबा दिला जातो’, असेही सिद्धरामय्या यांनी सांगितले.

कांग्रेस नेता सिद्धारमैया का विवादित बयान, बोले- ‘हिंसा और भेदभाव का समर्थन करता है हिंदुत्व’#Siddaramaiah #Congress https://t.co/MiJx9C5gJx

— DNA Hindi (@DnaHindi) February 6, 2023

सिद्धरामय्या पुढे म्हणाले की, माझा हिंदुत्व आणि त्याअनुषंगाने केले जाणारे राजकारण याला विरोध आहे. भारतीय राज्यघटनेनुसार सर्व धर्मांच्या श्रद्धा या समान आहेत.