कराड, २७ जानेवारी (वार्ता.) – येथील रेठरे बुद्रुक या गावामध्‍ये सिकंदर दगडू शिकलगार या व्‍यक्‍तीने स्‍वतःच्‍या मिळकतीमध्‍ये केलेले अनधिकृत मशिदीचे बांधकाम त्‍वरित काढण्‍यासाठी रेठरे ग्रामपंचायतीने त्‍यास नोटीस दिली आहे. धार्मिकस्‍थळांच्‍या बांधकामासाठी शासनाच्‍या विविध विभागांची अनुमती न घेताच शिकलगार यांनी अनधिकृत मशिदीचे बांधकाम चालू केले होते. याविषयी ग्रामस्‍थांनी तक्रारीचे अर्ज ग्रामपंचायतीस दिल्‍यानंतर ग्रामपंचायतीने प्रत्‍यक्ष पहाणी केली असता त्‍या ठिकाणी मशिदीसाठीचे प्राथमिक बांधकाम चालू असल्‍याचे निदर्शनास आले. (अनधिकृत मशिदीचे बांधकाम चालू आहे, हे स्‍वतःहून ग्रामपंचायतीच्‍या लक्षात कसे आले नाही ? यासाठी ग्रामस्‍थांना तक्रार का करावी लागते ? यातून ग्रामपंचायतीचा शिकलगार यांना पाठिंबा आहे, असे म्‍हणायचे ! – संपादक)
या घटनेनंतर १४ जानेवारी या दिवशी शिकलगार यांना मशिदीच्‍या बांधकामासाठी त्‍यांनी कोणकोणत्‍या अनुमती घेतलेल्‍या आहेत ? याचा ७ दिवसांच्‍या आत लेखी खुलासा करण्‍याविषयी ग्रामपंचायतीच्‍या वतीने नोटीस देण्‍यात आली होती. यानंतर पुन्‍हा २५ जानेवारी या दिवशी सरपंच आणि गटविकास अधिकारी यांच्‍या स्‍वाक्षरीने शिकलगार यांना पूर्व अनुमतीविना केलेले अनधिकृत मशिदीचे बांधकाम त्‍वरित काढून टाकावे, अन्‍यथा ग्रामपंचायतीच्‍या वतीने हेे बांधकाम काढण्‍यात येऊन त्‍याचा खर्च वसूल करण्‍यात येईल, तसेच एम्.आर्.टी.पी. कायद्यान्‍वये कडक कायदेशीर कारवाई करण्‍यात येणार असल्‍याचे पत्राद्वारे कळवण्‍यात आले आहे.
फर्मागुढी (गोवा) येथील आयआयटी संकुलात बाँब ठेवल्याचा खोटा संदेश
नोकरी घोटाळा प्रकरणी चौकशीसाठी निवृत्त न्यायमूर्तींच्या अध्यक्षतेखाली आयोग नेमा ! – काँग्रेस
पुणे येथील ‘सवाई गंधर्व भीमसेन महोत्सवा’साठी ध्वनीक्षेपकाची अनुमती
कोल्हापूर जिल्ह्यात गृह मतदानाला प्रारंभ !
पन्हाळा गडावर ‘एक दिवस छत्रपती शिवरायांच्या सान्निध्यात’ ही मोहीम शौर्यपूर्ण वातावरणात पार पडली !
वैकुंठचतुर्दशीच्या निमित्ताने कोल्हापूर येथील श्री महालक्ष्मीदेवीची करण्‍यात आलेली विशेष रूपातील पूजा !