केक कापून श्री दत्त जन्मोत्सवाची सांगता !

पुणे येथील श्री स्वामी समर्थ सेवासार संघाचा उपक्रम

अक्कलकोट, १२ डिसेंबर (वार्ता.) – श्रीदत्त जयंतीनिमित्त पुणे येथील ‘श्री स्वामी समर्थ सेवासार संघा’च्या वतीने १५१ किलोचा केक कापून श्री दत्त जन्मोत्सवाची सांगता करण्यात आली. श्री क्षेत्र अक्कलकोट येथील ‘श्री वटवृक्ष स्वामी महाराज मंदिरा’त मंदिर समितीचे अध्यक्ष तथा नगरसेवक महेश इंगळे यांच्या हस्ते केक कापण्यात आला. ८ डिसेंबर या दिवशी श्री वटवृक्ष मंदिरात काकड आरती झाल्यानंतर हा कार्यक्रम पार पडला.