(म्हणे) ‘जोपर्यंत तुम्ही हिंदु आहात तोपर्यंत तुम्ही क्षुद्र आहात !’

द्रविड मुन्नेत्र कळघम् (द्रविड प्रगती संघ) पक्षाचे नेते  ए. राजा यांचे विद्वेषी विधान !

चेन्नई (तमिळनाडू) – द्रविड मुन्नेत्र कळघम् (द्रविड प्रगती संघ) पक्षाचे नेते आणि माजी केंद्रीय मंत्री ए. राजा यांनी एका सभेमध्ये ‘जोपर्यंत तुम्ही हिंदु आहात तोपर्यंत तुम्ही क्षुद्र आहात. तुम्ही हिंदु असेपर्यंत दलित आहात. जोपर्यंत तुम्ही हिंदु आहात तोपर्यंत तुम्ही अस्पृश्य आहात. तुमच्यापैकी कुणी वेश्यांच्या मुलांसमवेत राहू इच्छिता का ? तुमच्या पैकी किती जण अस्पृश्य राहू इच्छिता ?’ अशी विधाने केली आहेत. भाजपच्या त्यांच्यावर टीका केली आहे.

Sorry state of political discourse in Tamil Nadu. @arivalayam MP has yet again spewed hatred against one community with the sole aim of appeasing others.

Very very unfortunate mindset of these political leaders who think they own Tamil Nadu. pic.twitter.com/UntspDKdQ3

— K.Annamalai (@annamalai_k) September 12, 2022

१. ए. राजा यांनी पुढे म्हटले की, मी असा धर्म नाही पाहिला ज्यात कर्नाटकातील लिंगायत सर्वोच्च न्यायालयामध्ये याचिका प्रविष्ट करून म्हणतात, ‘आमची पूजा करण्याची पद्धत आणि सिद्धांत वेगळा आहे.’ लिंगायत स्वतःला ‘हिंदु’ घोषित करू नये, अशी मागणी करत आहेत; परंतु सर्वोच्च न्यायालय काय म्हणत आहे ? न्यायालय म्हणते, ‘तुम्ही मुसलमान, ख्रिस्ती किंवा फारसी नाहीत, तर तुम्ही हिंदू असले पाहिजे.’ कोणत्या देशामध्ये अशी अमानुषता आहे का ? (सर्वोच्च न्यायालयावर असे विधान करणार्‍या ए. राजा यांच्यावर अवमान केल्याचा गुन्हा नोंद करून त्यांना कारागृहात डांबण्याचे धाडस राज्यातील सत्ताधारी द्रमुक करील का ? – संपादक)

२. ए. राजा यांच्यावर टीका करतांना तमिळनाडूचे भाजपचे प्रदेशाध्यक्ष अण्णामलाई यांनी ट्वीट करून म्हटले की, राज्यातील अशा राजकीय स्थितीविषयी आम्हाला खंत आहे. द्रमुकच्या खासदारांनी एका धर्माविषयी द्वेष पसरवला आहे. याचा एकमात्र उद्देश दुसर्‍यांना खुश करण्याचा आहे. या राजकीय नेत्यांना असे वाटते की, ते तमिळनाडूचे मालक आहेत.