कल्याण येथील गुंतवणूकदारांची फसवणूक करणाऱ्या ‘मायटोकन’ आस्थापनाचा संचालक अटकेत !

ठाणे, १२ मे (वार्ता.) – कल्याण शहर परिसरातील अनेक गुंतवणूकदारांना आभासी चलनात गुंतवणूक करण्यास सांगून त्यांची फसवणूक करण्यात आली. या योजनेतून ७ लाख ५८ सहस्र रुपये जमा झाल्यानंतर गुंतवणूकदारांना आकर्षक परतावा न देता त्यांची फसवणूक केली. या प्रकरणी ‘मायटोकन वॉलेट ट्रेडिंग’ आस्थापनाचा संचालक गौतम शामप्रसाद पांडे याला ठाणे आर्थिक गुन्हे शाखेच्या पथकाने मध्यप्रदेश येथून अटक केली आहे.