‘आप’चा नेता आतंकवाद्यांच्या घरात सापडतो ! – राहुल गांधी यांचा आरोप

बर्नाला (पंजाब) – काहीही झाले, तरी काँग्रेसचा कोणताही नेता तुम्हाला आतंकवाद्याच्या घरी दिसणार नाही. ‘झाडू’चा (‘आप’चे निवडणूक चिन्ह) सर्वांत मोठा नेता आतंकवाद्याच्या घरी सापडतो. हे सत्य आहे, असा आरोप काँग्रेसचे नेते राहुल गांधी यांनी येथील प्रसारसभेत देहलीचे मुख्यमंत्री आणि आपचे संयोजक अरविंद केजरीवाल यांच्यावर नाव न घेता केला.

वर्ष २०१७ मध्ये निवडणुकीच्या काळात केजरीवाल पंजाबमधील मोगा येथे पूर्वी खलिस्तानी आतंकवादी असलेल्या व्यक्तीच्या घरी राहिल्याचा त्यांच्यावर आरोप होता.