Rohingya Sink : रोहिंग्या निर्वासितांच्या २ नौका बुडाल्याने ५०० हून अधिक जणांचा मृत्यू झाल्याची भीती

कोलकाता (बंगाल) – बंगालच्या उपसागरातून म्यानमारमधून पळून जाणार्‍या रोहिंग्या समुदायाच्या लोकांची वाहतूक करणार्‍या २ नौका समुद्रात बुडाल्या आहेत. या  दुर्घटनेत ५०० हून अधिक लोकांचा मृत्यू झाल्याची भीती व्यक्त केली जात आहे.

या दोन्ही नौका म्यानमारच्या संघर्षग्रस्त राखाईन राज्यातून निघाल्या होत्या. अनुमाने २५० प्रवासी असलेल्या पहिल्या नौकेने प्रवास चालू केल्यानंतर काही वेळातच नौकेचा संपर्क तुटला. अनुमाने २८० प्रवासी असलेली दुसरी नौका ८ जुलै २०२६ या दिवशी म्यानमारच्या ‘आययारवाडी’ किनारपट्टीजवळ समुद्रात उलटल्याचा अंदाज आहे.