इटलीमध्ये नववर्षाच्या पूर्वसंध्येला महिलांवर अत्याचार झाल्याच्या अनेक घटना उघडकीस !

पोलिसांकडे तक्रारी दाखल

मिलान (इटली) – नववर्षाच्या पूर्वसंध्येला मिलान येथील ‘कॅथॅड्रल’च्या (जिल्हा स्तरावर सर्वांत महत्त्वपूर्ण चर्चच्या) जवळील चौकात नववर्ष साजरे करतांना तरुण मुलांनी महिलांना घेरून अंधारात त्यांचा विनयभंग करण्याचा प्रयत्न केल्याच्या अनेक तक्रारी पोलिसांकडे आल्या आहेत. मिलानमधील ड्युमोनो चौकात आणि जवळील रस्त्यांवर इटलीचे नागरिक आणि परदेशी नागरिक यांच्या जमावांनी घेराव घातला, अशी तक्रार ५ महिलांनी केली आहे. याचे व्हिडिओही सामाजिक माध्यमांतून प्रसारित झाले आहेत.

Nine women say they were assaulted by groups of young men in Milan’s main square during the celebrations. https://t.co/GYUi9baLIR

— euronews (@euronews) January 12, 2022

या दृष्टीने ‘कोणत्याही महिलेवर अत्याचार झाले असतील, तर तिने पोलिसांकडे तक्रार करावी’, असे आवाहन इटली पोलिसांनी केले आहे. इटलीतील ‘कोरीरे डेला सेला’ या वृत्तपत्राने हे वृत्त प्रकाशित केले आहे. ‘पोलीस पुढील अन्वेषण करत आहेत. जे लोक महिलांवरील अत्याचार आणि हिंसाचार यांसाठी उत्तरदायी आहेत, त्यांना त्वरित न्यायालयासमोर उभे करण्यात येईल’, असे वक्तव्य इटलीतील मंत्री लुसिआना लेमोर्जिस यांनी केले आहे.