मुंबई महापालिकेच्या आश्रय योजनेत १ सहस्र ८४४ कोटी रुपयांचा घोटाळा !

लोकायुक्तांना चौकशी करण्याचे राज्यपालांचे आदेश !

मुंबई, २ जानेवारी (वार्ता.) – मुंबई महापालिकेच्या आश्रय योजनेत १ सहस्र ८४४ कोटी रुपयांचा घोटाळा झाला आहे, असा आरोप भाजपचे आमदार मिहीर कोटेचा आणि काही नगरसेवक यांनी केला आहे. त्यामुळे राज्यपाल भगतसिंह कोश्यारी यांनी आश्रय योजनेतील झालेल्या अपव्यवहाराची चौकशी करावी, असा आदेश लोकायुक्तांना दिला आहे. यापूर्वी परिवहन विभागातील पदोन्नतीसाठी लाखो रुपयांची वसुली केल्याची तक्रार भाजपचे नेते किरीट सोमय्या यांनी राज्यपालांकडे केली होती. त्यानुसार राज्यपाल भगतसिंह कोश्यारी यांनी या प्रकरणाची चौकशी करण्याचे आदेश लोकायुक्तांना दिले होते.

Probe Rs 1,844 crore BMC quarters ‘scam’: Maharashtra governor to Lokayukta https://t.co/1g9gQdfmRo

— TOI Mumbai (@TOIMumbai) January 2, 2022