पाकच्या ग्वादर शहरातील बॉम्बस्फोटात ८ चिनी अभियंते ठार !

नवी देहली – पाकच्या बलुचिस्तान प्रांतातील ग्वादर या शहरात २० ऑगस्टच्या रात्री झालेल्या बॉम्बस्फोटात चीनचे ८ अभियंते ठार झाले. या आक्रमणाचे दायित्व ‘बलूचिस्तान लिबरेशन आर्मी’ या संघटनेने घेतले आहे. चिनी अभियंत्यांवर करण्यात आलेले हे आतापर्यंतचे दुसरे आक्रमण आहे. यापूर्वी पाकच्या कोहिस्तान जिल्ह्यातील दासु येथे करण्यात आलेल्या स्फोटात ९ चिनी अभियंते ठार झाले होते. या आक्रमणानंतर चीनने अन्वेषणासाठी त्याचे पथक पाकमध्ये पाठवले होते. आताही चीनने या आक्रमणावर संताप व्यक्त करत या आक्रमणाचे संपूर्ण अन्वेषण करून दोषींना न्यायालयाद्वारे शिक्षा देण्याची मागणी केली आहे. ‘भविष्यात अशी घटना पुन्हा घडू नये’, अशी चेतावणही चीनने दिली आहे. चीनच्या इस्लामाबाद येथील दूतावासाकडून सांगण्यात आले की, चीनच्या नागरिकांचे संरक्षण होण्यासाठी त्यांना अधिक सुरक्षा देण्यात यावी.