भावरूपी देव माझ्या अंतरात सत्वर यावा !

देवा, आला हा अज्ञानी जीव तव द्वारी ।
घेऊनी चरणी कृपा कर या जिवावरी ॥ १ ॥

या मायाजाळी हा जीव गुंतला आहे देवा ।
मायेतून सोडवून याला समष्टीसाठी घडवा ॥ २ ॥

या दगडाला देवा तूच दे आता आकार ।
या दगडाचे देवाच्या मूर्तीमध्ये कर रे रूपांतर ॥ ३ ॥

कसे आळवू रे तुजला, न कळे मजसी ।
घे रे हृदयासी या अपराधी जिवासी ॥ ४ ॥

भावाचा महासागर मनी निर्माण कर रे देवा ।
भावरूपी देव माझ्या अंतरात सत्वर यावा ॥ ५ ॥

देवा आता केवळ तूच माझी माता अन् पिता ।
तूच असे गुरुमाऊली अन् या साधनेतील सखा ॥ ६ ॥

प.पू. डॉक्टर ही असे आमुची गुरुमाऊली ।
सदा करत असे आमच्यावर कृपेची सावली ॥ १ ॥

सर्वांप्रती असे निरप्रेक्ष प्रेम तिच्या मनी ।
राहू दे आमचा भाव त्या माऊलीच्या चरणी ॥ २ ॥

सदा शिकवी ती आम्हा धरण्या कास अध्यात्माची ।
म्हणून आम्ही सर्व चालू शकतो वाट आज मोक्षाची ॥ ३ ॥

तळमळ द्या हो आम्हा ध्येयप्राप्तीसाठी ।
तरच पात्र होऊ तव चरणी पोचण्यासाठी ॥ ४ ॥

वेळ आली आता गुरुचरणी कृतज्ञता व्यक्त करण्याची ।
कारण कृतज्ञतेविना
कोणतेच शब्द नाहीत आपुल्यापाशी ॥ ५ ॥

गुरुचरणांचा ध्यास देऊनी अंतरी सजव या क्षुद्र मना ।
अनेक गुणांची वृद्धी करूनी घडवे रे या अंतःकरणा ॥ १ ॥

तुझ्या चरणांची ओढ लावोनी
व्याकूळ कर रे या हृदया ।

सर्व प्रयत्नांची पराकाष्ठा करूनी
गाठता येऊदे तव चरणा ॥ २ ॥

शेवटी तुला मी शरण येऊनी तळमळीने करते प्रार्थना ।
प्रार्थनेकरता डोळे मिटूनी तुझेच रूप दिसावे या नयनी ॥ ३ ॥

– सौ. सायली करंदीकर, सनातन आश्रम, रामनाथी, गोवा.

सूक्ष्म : व्यक्तीचे स्थूल म्हणजे प्रत्यक्ष दिसणारे अवयव नाक, कान, डोळे, जीभ आणि त्वचा ही पंचज्ञानेंद्रिये आहेत. ही पंचज्ञानेंद्रिये, मन आणि बुद्धी यांच्या पलीकडील म्हणजे ‘सूक्ष्म’. साधनेत प्रगती केेलेल्या काही व्यक्तींना या ‘सूक्ष्म’ संवेदना जाणवतात. या ‘सूक्ष्मा’च्या ज्ञानाविषयी विविध धर्मग्रंथांत उल्लेख आहेत.
येथे प्रसिद्ध करण्यात आलेल्या अनुभूती या ‘भाव तेथे देव’ या उक्तीनुसार साधकांच्या वैयक्तिक अनुभूती आहेत. त्या सरसकट सर्वांनाच येतील असे नाही. – संपादक