अवैध व्यवसायांविरोधात धडक कारवाईत पुण्यात ६३ गुन्हेगारांना अटक

पुणे – येथील विविध अवैध व्यवसायांसमवेत सराईत गुन्हेगारांविरुद्ध २८ जानेवारी या दिवशी संपूर्ण शहरात धाडसत्र राबवत जुगार प्रतिबंधक कायद्यानुसार ६३ जणांना अटक केली असून २ लक्ष रुपयांच्या साहित्यासह रोख रक्कम जप्त केली आहे. यासाठी वेगवेगळे पोलीस अधिकारी आणि कर्मचारी यांची पथके सिद्ध करण्यात आली होती. या कारवाई अंतर्गत ४८० गुन्हे नोंद करून ४६ सहस्र रुपयांचा मुद्देमालही जप्त करण्यात आला आहे.