सनातन प्रभात > Post Type > बातम्या > राष्ट्रीय बातम्या > PM Modi Appeals No POP : मातीपासून बनवलेल्या श्रीगणेशमूर्तीची प्रतिष्ठापना करा !

PM Modi Appeals No POP : मातीपासून बनवलेल्या श्रीगणेशमूर्तीची प्रतिष्ठापना करा !

‘प्लास्टर ऑफ पॅरिस’पासून बनवलेल्या मूर्ती खरेदी न करण्याचे आवाहन

नवी देहली – येणार्‍या गणेशोत्सवात ‘प्लास्टर ऑफ पॅरिस’ऐवजी नैसर्गिक चिकणमाती किंवा मातीपासून बनवलेल्या पर्यावरणपूरक श्रीगणेशमूर्तींची प्रतिष्ठापना करा, असे आवाहन पंतप्रधान नरेंद्र मोदी यांनी नुकत्याच झालेल्या ‘मन की बात’ या मासिक कार्यक्रमात जनतेला केले. ‘गणेशोत्सव अजून काही महिने दूर असला, तरी मूर्ती बनवण्याचे काम आधीच चालू झाले आहे’, असेही त्यांनी नमूद केले.

पंतप्रधान मोदी म्हणाले,

‘‘मी तुम्हा सर्वांना आवाहन करतो की, तुमच्या घरात, संकुल किंवा परिसर येथे बसवली जाणारी गणपति बाप्पाची मूर्ती आपल्याच देशातील मातीपासून बनवलेली असावी आणि ती आपल्याच देशातील कुंभार आणि स्थानिक कारागीर यांच्या हाताने साकारलेली असावी.’’

मूर्तीकारांनी मातीच्या मूर्ती बनवण्याला प्राधान्य द्यावे !

पंतप्रधान मोदी पुढे म्हणाले, ‘‘मी श्रीगणेशमूर्ती बनवणार्‍यांना मातीच्या मूर्ती बनवण्याला प्राधान्य देण्याचे आवाहन करतो. तसेच खरेदीदारांनाही विनंती करतो की, त्यांनी मूर्ती कशापासून बनवली आहे ? आणि ती कोणत्या देशात बनवली गेली आहे ?, याची निश्चित पडताळणी करावी. ‘प्लास्टर ऑफ पॅरिस’पासून बनवलेल्या मूर्ती अजिबात खरेदी करू नका. मला निश्चिती आहे की, या गणेशोत्सवात आणि त्यानंतरच्या प्रत्येक सणात आपण या गोष्टींचा गांभीर्याने विचार कराल आणि राष्ट्रहिताच्या दृष्टीने पावले उचलाल.’’

मातीच्या मूर्ती पाण्यात नैसर्गिकरित्या विरघळून जलस्रोतांचे रक्षण होते !

पंतप्रधान पुढे म्हणाले,

‘‘श्रीगणेशमूर्तींचे विसर्जन केल्यानंतर या मूर्ती पाण्यात नैसर्गिकरित्या विरघळतात. त्यामुळे नद्या, तलाव आणि एकूणच जल परिसंस्थेचे (‘इको सिस्टम’चे) रक्षण होते.’’

नूतन लेख