‘एस्.आय.आर्.’ प्रक्रिया करण्यार्‍या शिक्षकाला ३ धर्मांधांकडून मारहाण !

(टीप : एस्.आय.आर्. (स्पेशल इन्व्हेस्टिगेशन रिव्हिजन – मतदार सूची पुनरावलोकन)

बीड – परळी येथील पेठ मोहल्ला येथे असलेल्या शादी खाना कॅम्पमध्ये बी.एल्.ओ. (बूथ लेव्हल ऑफिसर – घरोघरी जाऊन मतदार सूचीचे पुनरावलोकन करणारा अधिकारी) म्हणून काम करणारे शिक्षक महफूज जाकीर शेख यांना मतदारसूची पुनरावलोकन करण्याच्या ठिकाणी (कॅम्पमध्ये) येऊन शाकीर अहमद शेख, जुनेद शेख, शोएब शेख आणि अन्य एक यांनी मारहाण करत जिवे मारण्याची धमकी दिली. ‘मतदारसूची पुनरावलोकनाचे अर्ज घेऊन आमच्या घरी का येत नाही ?’ या कारणावरून त्यांनी ही मारहाण केल्याचे समजते. शासकीय कामात अडथळा आणल्या प्रकरणी ४ जणांविरुद्ध परळी शहर पोलीस ठाण्यात गुन्हा नोंदवण्यात आला आहे. ‘तक्रार मागे घेतली नाहीस, तर आम्ही बाहेर येऊन तुला बघून घेऊ’, अशी धमकीही या धर्मांधांनी संबंधित शिक्षकाला दिली.

वर्धा येथे एस्.आय.आर्. नोंदणीच्या कामात टाळाटाळ केल्याप्रकरणी २ शिक्षक आणि एक चतुर्थ श्रेणीतील कर्मचारी यांचे निलंबन करण्यात आले आहे. या प्रकरणी शिक्षक संघटनेने निषेध नोंदवला आहे. या प्रकरणी कोरोना काळात मिळालेले पुरस्कार परत करण्याची चेतावणी ‘प्रहार शिक्षक संघटने’ने दिली आहे.