‘राजेश नाईक फाऊंडेशन’कडून फलटण येथे वारकर्‍यांना राजगिराचे लाडू, तसेच फराळ वाटप !

फलटण (जिल्हा सातारा) – ‘राजेश नाईक फाऊंडेशन’ यांच्या वतीने फलटण येथे वारकर्‍यांना जीवनावश्यक वस्तू, फळे, उपवासाचे राजगिराचे लाडू, पाणी आणि इतर फराळाचे साहित्य वाटप करण्यात आले. हे वाटप करण्यात सांगली येथील काँग्रेसचे नगरसेवक राजेश नाईक यांचा पुढाकार होता. या प्रसंगी त्यांचे सहकारी सर्वश्री संदीप आपटे, उदय नाईक, मोहन गायकवाड, शामराव शिंदे, नंदकुमार मुळीक यांसह अन्य उपस्थित होते. राजेश नाईक हे प्रतिवर्षी वारकर्‍यांसाठी प्रसाद वाटप करतात, तसेच सांगलीत गरजूंसाठी जीवनावश्यक वस्तूंचे वाटप करतात.