सनातन प्रभात > Location > आशिया > अफगाणिस्तान > Pakistan Air Strike : पाकिस्तानच्या आक्रमणात ११ मुलांसह १३ अफगाणी नागरिकांचा मृत्यू ! – तालिबान

Pakistan Air Strike : पाकिस्तानच्या आक्रमणात ११ मुलांसह १३ अफगाणी नागरिकांचा मृत्यू ! – तालिबान

काबुल (अफगाणिस्तान) – अफगाणिस्तानातील खोस्त, कुनार आणि पक्तिका या ३ प्रांतांवर पाकिस्तानने केलेल्या हवाई आक्रमणात १३ अफगाणी नागरिकांचा मृत्यू झाला आहे, अशी माहिती अफगाणिस्तानातील सत्ताधारी  तालिबानचे मुख्य प्रवक्ते जबीहुल्ला मुजाहिद यांनी दिली. मृतांमध्ये ११ मुलांचा समावेश असून उर्वरित दोघांमध्ये एका वृद्ध पुरुष आणि एक महिला यांचा समावेश असल्याचेही तालिबानने सांगितले. याविषयी पाकिस्तानने अद्याप कुठलीही प्रतिक्रिया व्यक्त केलेली नाही. पाकिस्तानच्या आक्रमणाला प्रत्युत्तर म्हणून अफगाणिस्तानने पाकिस्तानच्या सीमेत आक्रमण केल्याचे सांगितले जात आहे.

पाकिस्तानने वारंवार असा आरोप केला आहे की, पाकिस्तानमधील आतंकवादी आक्रमणांसाठी उत्तरदायी असलेल्या संघटनांना, विशेषतः ‘तेहरिक-ए-तालिबान पाकिस्तान’ (टीटीपी) या संघटनेला अफगाणिस्तानातील तालिबान सरकार आश्रय देत आहे. दुसरीकडे तालिबानने मात्र पाकचा हा आरोप सातत्याने फेटाळला आहे. हेच सूत्र दोन्ही देशांतील संघर्षाचे प्रमुख कारण आहे. या संघर्षात आतापर्यंत दोन्ही देशांतील शेकडो नागरिक आणि सैनिक मारले गेले आहेत.

नूतन लेख