चैत्रवारीनिमित्त श्री विठ्ठल-रुक्मिणीची नित्यपूजा कोरोनाच्या पार्श्‍वभूमीवर पुजार्‍यांच्या हस्ते करण्यात आली.चैत्र एकादशीनिमित्त मंदिरात द्राक्ष आणि द्राक्ष वेलींची सुंदर सजावट करण्यात आली होती.

कोरोनाच्या संसर्गाचा धोका लक्षात घेता पंढरपूर येथील विठ्ठल-रुक्मिणी मंदिर समितीने यंदाच्या वर्षी साजरी होणारी चैत्र यात्रा प्रतिकात्मक आणि मर्यादित स्वरूपात करण्याचा निर्णय घेतला आहे, अशी माहिती मंदिर समितीने प्रसिद्धीपत्रकाद्वारे दिली आहे.

‘ऑनलाईन’ बुकिंग केलेल्या दीड सहस्र भाविकांना मंदिरात दर्शनासाठी प्रवेश दिला जाणार असल्याची माहिती कार्यकारी अधिकारी विठ्ठल जोशी यांनी दिली.