सनातन प्रभात > Post Type > बातम्या > राष्ट्रीय बातम्या > Shankhnad Mahotsav Delhi : केंद्रीय राज्यमंत्री प्रतापराव जाधव यांना देहली येथील ‘सनातन राष्ट्र शंखनाद महोत्सवा’चे निमंत्रण

Shankhnad Mahotsav Delhi : केंद्रीय राज्यमंत्री प्रतापराव जाधव यांना देहली येथील ‘सनातन राष्ट्र शंखनाद महोत्सवा’चे निमंत्रण

डावीकडून केंद्रीय राज्यमंत्री प्रतापराव जाधव यांना निमंत्रण देतांना श्रीसत्‌शक्ति (सौ.) बिंदा सिंगबाळ, श्रीचित्‌शक्ति (सौ.) अंजली गाडगीळ आणि सद्गुरु नीलेश सिंगबाळ

नवी देहली, १० डिसेंबर (वार्ता.) –  आयुष मंत्रालयाचे केंद्रीय राज्यमंत्री (स्वतंत्र प्रभार), तसेच आरोग्य आणि कुटुंब कल्याण मंत्रालयाचे राज्यमंत्री प्रतापराव जाधव यांना देहली येथे होणार्‍या ‘सनातन राष्ट्र शंखनाद महोत्सवा’चे निमंत्रण देण्यात आले.

सनातन संस्थेचे संस्थापक सच्चिदानंद परब्रह्म डॉ. जयंत आठवले यांच्या आध्यात्मिक उत्तराधिकारी श्रीसत्‌शक्ति (सौ.) बिंदा नीलेश सिंगबाळ आणि श्रीचित्‌शक्ति (सौ.) अंजली मुकुल गाडगीळ यांनी केंद्रीय राज्यमंत्री प्रतापराव जाधव यांना निमंत्रण देत महोत्सवाची माहिती दिली. या प्रसंगी हिंदु जनजागृती समितीचे धर्मप्रचारक सद्गुरु नीलेश सिंगबाळ आणि सनातन संस्थेचे प्रवक्ते श्री. अभय वर्तक उपस्थित होते.

शिवकालीन शस्त्रप्रदर्शन अवश्य पहा ! – केंद्रीय राज्यमंत्री प्रतापराव जाधव यांचे आवाहन

भारत मंडपम्, देहली येथे होणार्‍या ‘सनातन राष्ट्र शंखनाद महोत्सवा’साठी त्यांनी शुभेच्छा दिल्या, तसेच महोत्सवानिमित्त केंद्रीय सांस्कृतिक मंत्रालयाच्या सहयोगाने १३ ते १५ डिसेंबर या काळात भरवण्यात येणार्‍या शिवकालीन शस्त्रप्रदर्शनाला उपस्थित रहाण्याचे आवाहनही त्यांनी लोकांना केले आहे.

नूतन लेख