सनातन प्रभात > Post Type > बातम्या > आंतरराष्ट्रीय बातम्या > Pakistani Spy Arrest : पाकला गोपनीय माहिती देणार्‍या आदिल हुसेन याला अटक

Pakistani Spy Arrest : पाकला गोपनीय माहिती देणार्‍या आदिल हुसेन याला अटक

विदेशी अणू वैज्ञानिकाशी होते संबंध !

प्रातिनिधिक छायाचित्र

नवी देहली – पाकला गोपनीय माहिती पुरवल्यावरून देहली पोलिसांनी ५९ वर्षीय आदिल हुसेन याला अटक केली आहे. पोलिसांनी या अटकेनंतर एक मोठे हेरगिरी जाळे उघड केल्याचा दावा केला आहे. अधिकार्‍यांच्या माहितीनुसार हुसेन याचे एका परदेशी अणू वैज्ञानिकाशी संबंध होते आणि तो झारखंडमधील जमशेदपूर येथे चालणार्‍या बनावट (खोट्या) पारपत्र जाळ्याशीही जोडलेला होता. त्याला २ दिवसांपूर्वी देहलीच्या सीमापुरी भागातून अटक करण्यात आली. त्याने पाकिस्तानसह अनेक देशांत प्रवास केला होता.

बनावट ओळखपत्रांचा वापर

अतिरिक्त पोलीस आयुक्त प्रमोदसिंह कुशवाह यांनी सांगितले की, आदिल  जमशेदपूरमधील टाटा नगरचा रहिवासी आहे. त्याने आणि त्याच्या भावाने परदेशांना संवेदनशील माहिती पुरवल्याचा अन् खोट्या कागदपत्रांद्वारे अनेक भारतीय पारपत्रे मिळवल्याचा संशय आहे. त्याचे संपूर्ण जाळे जमशेदपूर येथून चालवले जात होते, जिथे खोट्या कागदपत्रांच्या आधारे ओळखपत्रे आणि पारपत्रे बनवली जात होती.

मुंबई पोलिसांनी आदिलचा भाऊ अख्तर याला अटक केली असून त्याने अनेक आखाती देशांमध्ये प्रवास केला होता. त्याच्यावरही बनावट कागदपत्रांच्या आधारे एका संवेदनशील केंद्राचे ओळखपत्र मिळवल्याचा संशय आहे. या जाळ्याच्या माध्यमातून किती लोकांना खोटे पारपत्र दिले, हे पोलीस शोधत आहेत.

संपादकीय भूमिका

अशांना भर चौकात फासावर लटकवण्याची शिक्षा केली पाहिजे !

नूतन लेख